African Peach

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Flatstraat 44, Kwaaiwater, Hermanus, 7200, Wes-Kaap
Vanaf R3 900 per nag (plek vir 8)

Beskrywing

African Peach is 'n luukse vakansiehuis wat onafhanklik van die tradisionele kragnetwerk is. Dit spog met 'n uitsig oor die Hermanus-gholfbaan en is net 150 meter vanaf die seekranspaadjie.

Elkeen van die 4 slaapkamers het 'n en suite-badkamer met lugversorging. Die hoofslaapkamer het 'n koninggrootte-bed. Die tweede slaapkamer het 'n koningingrootte-bed en die ander 2 slaapkamers het elk 2 enkelbeddens.

Die ruim kombuis en aparte opwaskamer is met 'n gasstoof, elektriese stoof, yskas-vrieskas, Nespresso-koffiemasjien, broodrooster, skottelgoedwasser en 'n wasmasjien toegerus.

Die sitarea op die boonste verdieping het 'n yskassie, Nespresso-masjien, ketel, toonbank en 'n wasbak vir glasware.

Die huis het 'n 5 kVA-sonkragstelsel met battery-rugsteun en afgesien van die oond, maak dit nie van Eskomkrag gebruik nie. Die gasstoof, ketel, broodrooster, mikrogolfoond en lugbraaier werk met sonkrag. Vir koeler seisoene is daar 'n gaskaggel op die onderste verdieping en 'n kaggel bo. Vinnige internet is beskikbaar met seinversterkers op beide verdiepings en sluit 20 GB per verblyf in. Elkeen van die 3 slim-TV's het DStv en kan onafhanklike gekyk word.

Parkeerplek is vir 2 voertuie beskikbaar. Daar is 'n sekuriteitstelsel en 24 uur-ADT-toesig. 'n Rookalarm is ook vir ekstra veiligheid geïnstalleer.

Hierdie vervlyf is 2,5 km oos van Hermanus se middedorp en is op 'n stil pad met minimale verkeer geleë.

Kry ’n Kwotasie