Arundel Studios

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Bethel-landgoed, Clarens, 9707, Vrystaat
Vanaf R900 per nag (plek vir 2)

Beskrywing

Arundel Studios het asemrowende, onbelemmerde uitsigte op die Malutiberge en gaste word wakker met 'n wonderskone uitsig van Golden Gate. Gaste kan ervaar hoe dit is om in harmonie saam met die natuur te leef. Hier kan hulle weer die waarde van stilte besef en die natuurlike skoonheid van die natuur geniet.

Arundel is sowat 2 km vanaf Clarens en is op 4 hektaar naby die rivier op die Bethel Landgoed geleë. Die landgoed is hoog geleë en spog met uitsigte op Berg Horeb, Golden Gate, die Malutiberge en die Witteberge in die rigting van Ficksburg. Dit bied die beste van twee wêrelde met die stil natuur én nabyheid aan Clarens. Clarens is die skat van die Oos-Vrystaat en bied lieflike besienswaardighede.

Verblyf word in 2 selfsorg-ateljees gebied, elk met sy eie ingang en vollengte vensters met ongelooflike berg-uitsigte. Elke ligte, lugtige oopplan-eenheid van 24 m² het 'n koningingrootte-bed, 'n leefarea met 'n kaggel en 'n eetarea en 'n en suite-badkamer. Linne, 'n elektriese kombers en handdoeke word voorsien. Die WiFi werk, al is die krag af.

Berei jou eie geregte voor in ons volledig toegeruste, handgemaakte kombuis met graniet-oppervlaktes, vrystaande vlekvryestaal elektriese stoof met gasstoof, mikrogolfoond, en yskas met 'n eindelose voorraad van ons eie mineraalwater uit die berg, of besoek een van die ouwêreldse restaurante in Clarens.

Hierdie aantreklike ateljees het elkeen 'n onderdakstoep met braaigeriewe en tuinmeubels waar jy kan ontspan en jouself verlustig in die uitsigte na 'n dag se stap, bergfietsry, gholfspeel of ontspanning langs die rivier.

Daar is 'n piekniekarea by Klein Caledon waar gaste in die river kan swem of visvang.

Arundel is die ideale basis vanwaar jy avontuurlustige doendinge kan aanpak, ontspan en uitgaan vir romantiese etes in Clarens. Die eienaars sal jou help met jou keuses. Rook is verbode in die ateljees, maar daar is asbakkies op die stoep beskikbaar. Die eenheid maak van boorgatwater gebruik.

'n Daaglikse skoonmaakdiens is nie ingesluit nie.

Kry ’n Kwotasie