BayDream Family Holiday Home

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Berglandstraat 9, Outeniqua Strand, Groot-Brakrivier, 6525, Wes-Kaap
Vanaf R2 500 per nag, vir 6 mense

Beskrywing

BayDream Family Holiday Home is in Outeniqua Strand naby Groot-Brakrivier en is ideaal vir 'n gesin of groep vriende. Dit is 4 kilometer gelee vanaf winkels, restaurante, aktiwiteite en trekpleisters. Die eiendom is 160 meter van die strand wanneer 'n mens op die patio staan.

Die vakansiehuis beskik oor 3 slaapkamers en bied slaapplek aan 6 gaste. Die hoofslaapkamer het 'n koningingrootte-bed en die tweede en derde slaapkamer het elk 2 enkelbeddens. Die hoofslaapkamer het ook 'n en suite-badkamer met 'n stort, toilet, en 'n wasbak, en 'n deur wat lei na die stoep. Die tweede badkamer het 'n stort, hoekbad, en 'n wasbak, asook 'n aparte toilet met 'n wasbak.

Die kombuis is met 'n gas- en elektriese stoof, oond, yskas, mikrogolfoond, tee- en koffiemaakgeriewe, eetgerei, en breekware toegerus. Daar is ook 'n skottelgoedwasser. Die kamers en sitkamer is toegerus met dakwaaiers.

Die sitarea het rusbanke en 'n TV met Openview. Daar is 'n DStv-konneksie indien gaste hul eie dekodeerder saambring. Die eetarea het sitplek vir 8 gaste en daar is onbeperkte WiFi.

Die verblyf spog met 'n see-uitsig (160 meter gelee vanaf die eiendom) vanaf die sitkamer, patio, kombuis en die hoofslaapkamer.

Daar is 'n Weber braai op die patio.

Gaste het toegang tot veilige parkeerplek op die perseel in 'n toesluitmotorhuis en onderdakparkeerplek waar daar 3 ekstra voertuie kan parkeer.

Kry ’n Kwotasie