Goeiedag Mike Kritiek is altyd welkom, mits dit eerlik en deursigtig is. Jy word met aankoms 28 Maart, deur my bestuurderes ontvang, verwelkom, na jou kamer geneem, op presies dieselfde manier waarop elke ander gas verwelkom word. As jy kan onthou, ontmoet ek persoonlik my gaste, onder andere jy, vroeg Dinsdagoggend 29 Maart. Jy sal ook die omstandighede onthou. (Nie die platform om te noem dat ek het met krukke geloop het, na n ernstige voetoperasie nie. Steeds, ek het uitgegaan en my gaste , jy inkluis, ontmoet. ) Nadat jy die eerste oggend uitwys dat daar nie n lugversorger-afstandsbeheer vir jou kamer is nie, sal jy onthou dat ek sonder versuim verskoning aanbied, verduidelik dat die beheerders soms uit die kamers verdwyn, die beheerder moet bestel word, dus nie dieselfde dag beskikbaar gaan wees nie. Jy sal ook onthou dat ‘n gas, goedgunstiglik aanbied om sy kamer se beheerder tot jou beskikking te stel. Ek verstaan goed, nie sy plig nie, myne. Onder die omstandighede, ‘n oplossing en goeie gebaar van hierdie gas. Ons ontbyt bestaan standard uit ‘n verskeidenheid brood, verskeidenheid ontbytgraan, verskeidenheid vrugte, joghurt, vars melk, sap, water, kitskoffie, masjienkoffie. En dan ‘n warm voorbereide ontbyt wat afgewissel word, elke nuwe dag. Ek twyfel en verskil ten sterkste dat jou kamer vuil was. Na aanleiding van jou klagte, is ek oortuig jy sou my onmiddellik daarop gewys het in dieselfde gesprek hierbo verwys. Ek twyfel en verskil ten sterkste dat jou kamer nie water gehad het nie. Ook hier is ek oortuig dat jy my onmiddellik hiervan in kennis sou stel. Of kan dit dalk wees dat jy nie noem dat jy permanente toegang tot 'n elektriese waterfontein in die eetkamer gehad het, waar jy soveel water kon verbruik, as wat jou hartsbegeerte was nie? Gratis. Meer as die standaard waterbottel vereis by vierster+ verblyf. Ek twyfel nie daaraan dat jou yskas afgeskakel was nie. Ons skakel dit af na elke gas se vertrek. Dis elke gas se vrye reg om te besluit of hy/sy die yskas nodig het al dan nie. Skakel hom gerus aan of los hom af, na jou behoefte. Persoonlike interaksie by hierdie gastehuis is streng professioneel. Jy is met jou aankoms verwelkom. Jy is die volgende oggend weer persoonlik genader, hierbo verwys. En jou verblyf was verby na dag twee. Die aanmerking dat daar geen persoonlike interaksie met (kliente) gaste was nie, maak my uiters, uiters ongemaklik voel. Ek is werklik nie seker wat met hierdie stelling bedoel word nie. ‘n Nare ondervinding inderdaad.

Hallo Louise Dankie vir die vriendelike woorde. Ons was bly om julle te ontmoet en hoop om julle in die nabye toekoms weer te sien. Heleen