Ongelooflik. Eenheid is baie netjies, luuks. Selfs meer as wat ons verwag het.

Uitstekende waarde vir geld, skoon en netjies. Ek en my man het 'n wegbreek geniet by Chantilly Resort sonder die kinders. Die eenheid was netjies en skoon en die personeel vriendelik en behulpsaam. Ons is ons privaatheid gegun en het ons verblyf terdeë geniet. Sal Chantilly Resort enige dag aanbeveel!

Baie aangenaam. Lieflike plek, pragtige tuine en goed ontwerp en goed instandgehou. Pragtige omgewing, goed geleë naby lughawe en pragtige Zinkwazi-strand. Uiters geskik vir 'n naweek wegbreek en ontspan sonder die kinders.

Gerieflik, hulpvaardig as jy iets soek dan help die personeel, netjies en alles werk. Die personeel baie vriendelik en verleen hulp enige tyd, sal enige iemend aanbeveel om 'n draai daar te maak. Het dit regtig geniet.

Baie pragtig. Baie rustige plek sal weer gaan bly daar.

Teleurstellend. Die besoek was uiters goor. Ons was op wittebrood en het besluit op 'n "roadtrip", al ons ander bestemmings was ongelooflik, maar Chantilly was 'n gemors. Met ons aankoms het die klokkie by die hek net aanhoudend gelui sonder enige reaksie. My man het later gebel, daar was vir hom gesê dat iemand die hek sou oopmaak wat toe ook nooit gebeur het nie. Hy moes 'n tweede keer bel en na nog 'n verdere wag is die hek toe uiteindelik oopgemaak. Die parkering is baie ver van die blyplek af en ons moes tot vervelens toe loop om die bagasie afgelaai te kry net om alles weer die volgende oggend tot vervelens toe terug te dra. By die chalet self was daar talle probleme, die eerste een was dat ons onverwags ingelig was dat daar 'n R50 fooi is per item wat sou breek, die braaier se roosterrak was so geroes dat ons dit nie behoorlik kon gebruik om te braai nie en die bad/stort/kraan-water het vir ewig gevat om net in te tap. Teenstrydig hiermee het die toilet se water aanhoudend geloop en selfs nadat ons talle kere gebel het, is dit nie herstel nie. Die stort is van so 'n aard dat die water net ongenadiglik warm is of glad nie warm nie, daar is nie 'n tussen-in nie. Die volgende oggend het een van die werkers van die oord ons sommer voor die chalet ingewag in pajamas om ons uit te boek. Dit was inderdaad goor!