Perfek. Ons verblyf was awesome, plek is baie, baie netjies. Dit het presies gelyk soos op die foto's. Die gashere is sulke gawe mense, skuus ek kry sommer 'n knop in my keel. Die muffins is 'n wenner asook beskuit. Waar kry mens nog sulke gashere wat uit hul pad uitgaan? En kan die oom praat (lag). Aauw, ek sal binnekort weer gaan.

Ek sal definitief Crassula aanbeveel. My ouers het die omgewing verken en verskriklik geniet en veilig gevoel.

Uitstekende ligging en uitsonderlike verblyf. Die ligging is perfek en die plekkie is so pragtig en volledig ingerig, en ek sal maklik vir 'n maand daar kan bly. Alles waaraan jy kan dink, word verskaf en die tuisgemaakte muffins en beskuit maak dit ekstra spesiaal.

Absoluut wonderlik! Absoluut wonderlik! Het sommer dadelik weer bespreek. Dankie vir julle opregte gasvryheid! 10 uit 10!

Beeldskone plekkie, mooi mense met harte van goud! Fantastiese verblyf met wonderlike gashere! Ons het baie lekker geslaap. Ons ontvangs was warm, opregte mooi mense en boonop is die area prentjiemooi. Die pikkewyne was ook 'n hoogtepunt. Ons kom beslis weer! Dankie Oom van As en Tannie Marianna.

Fantastiese verblyf naby die see en omring deur die natuur. Ons het heerlik gekuier in die ruim, netjiese, goed toegeruste woonstel. Ons is baie vriendelik ontvang en bederf met watertand beskuit en muffins. Ideaal vir natuurliefhebbers, aangesien pikkewyne en kolganse vryelik rondbeweeg. Foto's gee 'n akkurate indruk. Ons kan Crassula sterk aanbeveel.

Beste in Betty's! Dit was vir ons 'n baie verwagte eenheid vir baie redes. Eintlik wil ek nie alles sê nie, anders word hulle uitgeboek as ek wil kuier. Die gashere was wonderlik, die pikkewyne het my hart gesteel, maar die uitsig selfs uit die kamer uit was so ongelooflik!