Dan en Wan

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Harder-straat 231, Oesterbaai, 6301, Oos-Kaap
Vanaf R3 600 per nag (plek vir 8)

Beskrywing

Dan en Wan bied selfsorgvakansieverblyf in die hartjie van Oesterbaai. Dit is ideaal vir 'n gesin of groep vriende aangesien dit stapafstand vanaf die strand en ander geriewe is.

Hierdie verblyf bied slaapplek aan 8 gaste en beskik oor 4 slaapkamers en 2 badkamers. Die eerste 2 slaapkamers het elk 'n dubbelbed en die derde slaapkamer 2 enkelbeddens. Die badkamer het 'n bad, stort, wasbak en 'n toilet. Die vierde slaapkamer het 'n dubbelbed en daar i s'n stort, wasbak en 'n toilet in die badkamer.

Die oopplan-leefarea het 'n kombuis wat met 'n stoof, oond, mikrogolf, yskas-vrieskas, eetgerei, breekware en tee- en koffiemaakgeriewe toegerus is. Langs die kombuis is daar 'n etenstafel en 'n sitarea met gemaklike sitplek en 'n TV. Daar is ook 'n aparte TV-kamer met 'n DVD-speler, Netflix en WiFi.

Die leefarea lei na die houtdek met sitplek en 'n pragtige see-uitsig. Daar is ook 'n privaat beskutte buitebraai agter die verblyf. Veilige parkeerplek is buite en in 'n enkelmostorhuis beskikbaar.

Kry ’n Kwotasie