Die Uilhuisie

Selfsorg

Soos Gesien op Facebook
Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R317, Angora Stud Gasteplaas, Bonnievale, 6730, Wes-Kaap
Vanaf R3 850 per nag, vir 4 mense

Beskrywing

Die Uilhuisie is 'n bekoorlike selfsorgkothuis wat in die hartjie van die veld, op 'n skilderagtige plaas buite Bonnievale geleë is. Dit spog met 'n asemrowende uitsig op die Riviersonderendbergreeks en is veral betowerend wanneer dit in die winter met sneeu bedek is.

Dié kothuis werk met sonkrag, bied slaapplek aan 4 gaste en beskik oor 2 slaapkamers. Die hoofslaapkamer het 'n koningingrootte-bed en die tweede slaapkamer het 'n dubbelbed. Gaste deel 'n badkamer met 'n stort. Gehaltelinne en handdoeke word voorsien.

Die kombuis is met 'n yskas, gasstoof, 'n oond en koffie- en teemaakgeriewe toegerus. Die leefarea het 'n etenstafel met sitplek vir 4, 'n binnebraai-area wat ook as 'n kaggel kan dien en gemaklike sitplek. Daar is ook 'n koffiemasjien en gratis WiFi.

Die kothuis lei na 'n gemeubileerde stoep, 'n swembad en braai wat met 'n pragtige uitsig oor die landskap spog. Gaste kan ook die Nguni-beeste of elande wat op die plaas rondloop, sien.

Kry ’n Kwotasie