Ellie Blue

Selfsorg

Gratis kansellasie tot 1 week voor jou verblyf!
Kapasiteit: 6 persone
Geen kinders onder 2
Inkloktyd: 14:00 tot 17:00
Uitkloktyd: 10:00
Adres: 5de Straat 285, Voëlklip, Hermanus, 7200, Wes-Kaap
Vanaf R2 900 per nag (plek vir 6)

Beskrywing

Ellie Blue is in Voëlklip, Hermanus, en bied gehalteverblyf aan 'n gesin of groep vriende. Dit is naby verskeie winkels, restaurante, die strand, aktiwiteite en besienswaardighede.

Dié dubbelverdiepinghuis het 3 slaapkamers en slaapplek vir 6 gaste. Al 3 die slaapkamers is op die boonste verdieping. Twee van die kamers het elk ’n koningingrootte-bed en die ander slaapkamer het ’n dubbelbed. Daar is 1 badkamer met ’n bad, wasbak en toilet op die boonste verdieping.

Daar is 2 beddens vir 2 kinders in die vermaakarea op die onderste verdieping, Die vermaakarea het ’n snoekertafel en ’n TV. Op die onderste verdieping is daar ’n badkamer met ’n stort.

Op die boonste verdieping is daar ’n kombuis wat ten volle toegerus is met ’n gasstoof, elektriese oond, mikrogolfoond, yskas-vrieskas, eetgerei en breekware. Daar is ’n wasmasjien en skottelgoedwasser beskikbaar en ook 'n koffiemasjien. Die sitarea het gerieflike banke en ’n TV. Die huis het WiFi en daar is 'n battery sodat die WiFi en TV kan werk tydens kragonderbrekings. Daar is ook ’n eetarea met genoeg sitplek waar gaste hul etes saam kan geniet.

Daar is lieflike braaigeriewe, sowel as ’n buitestort om af te koel na ’n dag by die strand. Daar is tafeltennis en ’n veerpyltjiebord in die motorhuis. Daar is veilige parkeerplek op die perseel. Let wel dat die eiendom nie omhein is nie. Daar is wel diefwering voor die onderste verdieping se vensters sowel as die kombuisvenster.

Kry ’n Kwotasie