Hermanus Seafront Villa

Selfsorg

Kapasiteit: 14 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Hoofweg 312, Kwaaiwater, Hermanus, 7200, Wes-Kaap
Vanaf R15 900 per nag (plek vir 14)

Beskrywing

Hermanus Seafront Villa is 'n bekoorlike dubbelverdieping-selfsorgvakansiehuis met klassieke Kaaps-Hollandse argitektoniese kenmerke. Dit is in Hermanus, net 'n entjie vanaf Sievers Point waar walvisse baljaar, geleë. Hierdie huis bied ook toegang tot East Cliff se paadjies met skilderagtige staproetes, bekoorlike eetplekke en bergroetes met stroompies. Dit is ideaal vir 'n groot gesin of groep vriende.

Dié huis bied slaapplek aan 14 gaste en beskik oor 6 en suite-slaapkamers. Die eerste slaapkamer het 'n koningingrootte-bed. Die tweede, derde, vierde en vyfde slaapkamer het elk 'n koningingrootte-bed. Die sesde slaapkamer het 2 stapelbeddens. Twee van die slaapkamers het elk 'n kaggel en elke badkamer het 'n bad en 'n stort. Linne en badhanddoeke word voorsien.

Die huis spog met 'n kombuis wat met 'n gasstoof, oond, mikrogolfoond, broodrooster, ketel, koffiemasjien, yskas-vrieskas, skottelgoedwasser, wasmasjien en 'n tuimeldroër toegerus is. Die sit-, eet- en biblioteekarea het 'n kaggel en oorgenoeg gemaklike sitplek waar gaste die see-uitsig kan bewonder. Daar is 'n slim-TV met die volle DStv-pakket en Netflix. Gratis WiFi is beskikbaar.

Buite is 'n binnehof, stoep, ingeboude braai, gemaklike buitesitplek, sonverhitte swembad, sonstoele, buitestort en 'n uitsig oor die see en op die Kleinrivierberge. Hierdie verblyf het 'n alarmstelsel met laserstraalsekuriteit en gewapende reaksie. Veilige parkeerplek word voorsien.

Kry ’n Kwotasie