10/10. Wat 'n netjiese en ruim huis.

Bitter lekker! Baie lekker gebly! Die plek is ongelooflik mooi en netjies.

Pragtige huis met lieflike uitsig. Die huis is pragtig en baie gerieflik. Lieflike uitsig. Baie skoon en netjies. Heerlik geslaap. Bosvarke het kom kuier in die aand. Sonsondergang vanaf die patio is besonders. Sal beslis die huis aanbeveel.

Mooiste uitsig by Mabalingwe. 'n Fantastiese huis vir 'n wegbreek-naweek, met 'n gesellige buitebraai, swembad en genoeg sitplek. Die huis is hoog geleë en het 'n asemrowende uitsig. Omdat die balkon/dek area so hoog is, sal ek nie die plek vir klein kindertjies aanbeveel nie, maar dis regtig een van die mooiste uitsigte wat ons al by Mabalingwe beleef het. 'n Klomp diere het ook kom kuier, en mens kan rustig op die dek sit omdat hulle nie by jou sal uitkom nie. Boonop, die plek is onlangs oorgedoen, so al die toerusting en kamers is en lyk splinternuut. 'n Regtig lekker verblyf en die moeite werd!

Ons het dit so geniet, mooi huis, modern binne met alles wat jy kort! Stukkie hemel in die bos.

Lekker gerus, gekuier, gebraai en mekaar geniet. Waarskuwing! Ingwe 237! 'N naweek is heeltemal te kort! Vir die gerieflike, ruim en skoon huis. Linne, handdoeke, banke, alles was letterlik so skoon en netjies en so lekker geruik. Jy gril nie as jy op banke gaan sit nie, geen stowwerige reuke ook aan banke gewees nie. Alle toerusting en elektriese toerusting het gewerk, lugversorgers ingesluit. Die braai is lekker groot, die deck area met boma was baie gerieflik gewees. Op 'n winderige aand kyk jy vanaf die sitkamer Lazyboy, hoe brand die vuur in die boma of braaier en dit somme so voor die TV. Geen warm water probleme of krag probleme nie. Die kombuis toerusting was uit die boonste rakke, alles wat jy nodig het as jy van kos maak hou. Die showers en baddens se waterdruk was perfek. Die meubelinhoud is tops. Die diertjies by die watergat teen die huis was elke keer 'n verrassing as jy sien dan is daar nuwe diere. Die view was iets uit 'n prentjieboek, jy sien alles van bo. Die sonsondergang was elke aand prentjie mooi van die deck area af. Ek sal graag eendag vir 'n midweek wil gaan kuier. Dan die skoonmaakster, oorborrelend vriendelike mens en het quick quick aan die kant gemaak sonder dat jy weet sy is daar. Letterlik net 1 iets wat kort en dis deck lounge stoele vir by die swembad.

Fantastiese wegbreek. Uitstekende waarde vir geld, sekerlik een van die beste bestemmings wat ek nog ooit na toe was. Vriendelike diens, netjies eenheid, asemrowende uitsigte met alles wat jy nodig het om jou gate uit te geniet. Kan beslis aanbeveel word.

Baie lekker gekuier. Hierdie is 'n pragtige plek. Ons sal vir seker weer kom kuier. Al wat ek kan voorstel is 'n keteltjie vir die gasstoof vir as die krag af is, en dan ook dalk 'n sepie vir handwas in die badkamers. Shelley wat skoonmaak, is regtig 'n blessing.

Bosveldbreuk. Goed toegerus, mooi en modern uitgelê. Gemaklik, goed geslaap, rugby gekyk op groot skerm, goeie braai- en buite-area met swembad, tafel, stoele en pragtige bosvelduitsig.