Beskrywing

L'Escalier is 'n ruim strandfrontwoonstel vir 9 gaste in Amanzimtoti.

Die 3-slaapkamerwoonstel kyk uit oor die see en strand en is op die derde verdieping geleë en kan met 'n hysbak of trappe bereik word. Die hoofslaapkamer het 'n koningingrootte-bed en 'n enkelbed, en het 'n en suite-badkamer met 'n stort. Die tweede slaapkamer is ingerig met 'n dubbelbed, en die derde kamer is ingerig met 2 stapelbeddens. Die 2 kamers deel die gebruik van 'n badkamer met 'n bad. Gerieflikheidshalwe word badhanddoeke voorsien, en gaste moet asseblief hul eie swemhanddoeke saambring.

Die oopplan-kombuis is toegerus met 'n stoof, 'n mikrogolfoond, 'n yskas, wasmasjien, asook tee- en koffiemaakgeriewe en etes kan by die etenstafel geniet word.

Gaste kan ontspan in die sitkamer of op die balkon wat 'n ingeboude braai en lieflike see-uitsigte het. 'n Teleskoop is ook beskikbaar vir gebruik om die dolfyne en walvisse in seisoen te bekyk. 'n Skoonmaakdiens kan op versoek gereël word, en klein troeteldiere is welkom mits dit vooraf gereël word.

Die kompleks het 'n gemeenskaplike swembad wat gaste welkom is om te gebruik, en kinders moet asseblief te alle tye onder toesig wees.

L'Escalier is 75 m vanaf die strand en 140 m vanaf Toti Mall wat verskeie winkels en restaurante bied. Amanzimtoti bied 'n verskeidenheid restaurante en winkels, en doendinge wat wissel van visvang, duik, snorkel en branderplankry. Gaste kan die Sardine Run tussen Junie tot Augustus besigtig of die Amanzimtoti-voëlreservaat, die Ilanda Wilds-natuurreservaat, Splash Water World-waterpark, en meer besoek.