Lekker gekuier. Maphupho Yemali het alles wat ons nodig gehad het vir die paar dae wat ons in Marlothpark gekuier het. Daar het baie diere gereeld kom groet. Ek stel voor gaan koop vir jou kuier in Marlothpark, wildspille by die kooperasie in Komatipoort. Baie goedkoper en dan kan julle sommer gereeld die diere voer. Baie dankie Maphupho Yemali.

Ons het dit baie geniet en wil beslis weer kom. Die huisie was ideaal vir ons en ek het baie daarvan gehou dat elke slaapkamer sy eie badkamer het. Die kombuis is goed toegerus; hul kort net 'n beter kurktrekker.

Pragtige bos huisie! Maphupho Yemali was sowaar 'n lekker klein huisie. Daar was sowaar baie diere wat kom groet het op die stoep, netjies en skoon met heerlike geriewe soos die dishwasher, aircons en wasmasjien. Beddens slaap heerlik en die kombuis is ten volle toegerus met alles wat jy benodig! Die eienaar is 'n baie vriendelik. Ek sal beslis binnekort weer daar bespreek en die pragtige bos huisie aan enige persoon voorstel. Baie dankie.

Een van die lekkerste plekke waar ons nog gebly het. Het ons tydjie daar vreeslik geniet. Kan nie wag om terug te kom nie.

Wat 'n ongelooflike ervaring. Sal die pragtige juweel in die hartjie van die bosveld vir enige persoon ten sterkste aanbeveel. Van die intrapslag tot ons vertrek het was net 'n belewenis. Asemrowend mooi in en om die huis. Alles wat 'n mens nodig het vir 'n lekker wegbreek en vakansie. Al die nodige benodigdhede. Yskas, vrieskas, skottelgoedwasser, wat dit baie gemaklik maak en ook 'n pragtige wasmasjien. TV, splash pool om in af te koel. Ag, die lys gaan aan. Baie netjies. En soos 'n baba geslaap. Dan praat ek nie van die eienares wat so hulpvaardig en vriendelik is nie.

Het dit baie geniet. Alles is daar wat nodig was. Was ook genoeg stoele buite. Sal net volgende keer eie kampstoele vat vir 'n lekker chill om die vuur.

Heerlike verblyf, met als wat jy nodig het! Ons het vreesik lekker gebly. Mellisa was vinnig op terugvoer, die huis was silwerskoon en het alles wat mens nodig het vir die perfekte wegbreek!

Netjies, gerieflik, bekostigbaar. Ons het baie lekker gebly. Huis was netjies en skoon. Daar was redelik genoeg geriewe. Ons sou net graag 'n bad verkies het vir die klein kinders wat nie hou van stort nie, maar het plan gemaak met 'n skottel. Swembad was gerieflik vir die klein kinders. Die pad binne Marlothpark kort bietjie onderhoud na die baie reën. Stoeplig buite het nie gewerk nie, so dit was baie donker as mens wou braai in die aand. Die kas in die spaarkamer was bietjie gebreek, so dit kort dalk net 'n regmaak. Die plekkie het ook nie kantgordyne gehad nie, so almal kon in die huis insien as die gordyne oop was. Andersins het ons baie lekker gebly. Eienaar het ook baie moeite gedoen om ons in kennis te stel van hoe dinge werk in Marloth ens.

Was baie lekker en rustig gewees. Die kamers en badkamer was skoon, maar die kombuis en leefarea het 'n spring clean nodig. Die kombuisgordyne is baie vuil, en van die potte moes ons eers was voor ons dit kon gebruik. Die kombuiskaste kan gerus 'n uitwas ook kry. Die rooi mat in die sitkamer is baie vuil en vol stof.