Beskrywing

No 2 Avignon is 'n lieflike selfsorgwoonstel net 200 m van die strand af.

Dié woonstel is op die grondvloer en bestaan uit 3 slaapkamers, 'n en suite-badkamer, 'n gedeelde badkamer, kombuis, en 'n oopplan-woonkamer wat oopmaak op 'n patio met 'n uitsig oor die tuin. Twee van die slaapkamers het koningingrootte-beddens en daar is 2 enkelbeddens in die derde slaapkamer. Die en suite-badkamer het 'n stort en die ander badkamer het 'n bad en stort. Badhanddoeke word voorsien.

Die kombuis is toegerus met 'n stoof en oond, yskas-vrieskas, en 'n wasmasjien. Gaste kan hul etes by die eetkamertafel nuttig. Die woonkamer het 'n TV met 'n DStv-koppelpunt vir gaste wat hul eie dekodeerders saambring (nie geskik vir Explora-dekodeerders nie). Daar is ook OpenView HD satelliet-TV. En die patio het 'n gasbraaier.

Onderdakparkeerplek is beskikbaar vir 1 voertuig en daar is ekstra parkeerplek in die kompleks.

Aktiwiteite sluit in pretdraf elke Saterdag by St Michaels-strand, die Stephward-landgoed Eksotiese Kwekery, The Wild Slide, Wild 5 Adventures by Oribi-kloof, en Uvongo se vlooimark. No 2 Avignon is ook lekker naby verskeie restaurante.