Old Mac Daddy Luxury Trailer Park

B&B

Soos Gesien op Instagram
Kapasiteit: 46 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Elginvallei-pad 112, Grabouw, 7160, Wes-Kaap
Vanaf R1 690 per nag (plek vir 2)

Beskrywing

Old Mac Daddy Luxury Trailer Park is in Elgin en bied 'n kampgeleentheid wat jou nostalgies sal laat oor jou kinderdae. Dié luukse ontwerper-woonwaens is tussen dennebome en mere geleë. Dit bied talle doendinge in die natuur en gesonde etes vars van die plaas af.

Die park het 9 woonwa-suites met aparte sitkamers, 'n uitkykdek en 'n en suite-badkamer. Elke eenheid bied slaapplek aan 2 volwassenes en die sitkamer kan gebruik word as 'n kinderkamer. Verder is daar 3 Airstream-woonwaens met 'n uitsig oor die onderste dam en dit bied ook slaapplek aan 2 volwassenes. Dié woonwaens is 'n bietjie kleiner, maar het ook en suite-badkamers. Dis ideaal vir paartjies op soek na 'n romantiese wegbreek in die natuur. Alternatiewe verblyf sluit Daddy's Den met slaapplek vir 4 en Daddy's Hideaway met slaapplek vir 4 gaste, Daddy's Villa met slaapplek vir 6 gaste, en The School House met slaapplek vir 10 gaste in. The School House is 'n ou skool wat in 'n huis omskep is.

Old Mac Daddy het 'n gemeenskaplike area waar gaste lekker gesonde maaltye en peuselhappies deur die dag kan geniet. Al die bestanddele is plaaslik verkry en organies waar moontlik. Old Mac Daddy is 'n kindervriendelike omgewing en kinders kan lekker binne en buite speel. Daar is oorgenoeg doendinge om hulle mee besig te hou! Daar is ook 'n spyskaart spesiaal met gratis maaltye vir die jongspan onder 8 jaar oud. Verder is daar 'n omheinde swembad en 'n mensgemaakte strand waar gaste kan baljaar.

Old Mac Daddy het geriewe vir konferensies, vergaderings en troues. Die hele plek of net 'n gedeelte kan bespreek word vir funksies of vergaderings. Die konferensie-saal is op die perseel geleë en daar is WiFi.

Neem asseblief kennis dat selfoonontvangs by Old Mac Daddy beperk is. Daar is wel 'n selfoonontvangs-kuberkol by die kroeg.

Kry ’n Kwotasie