Protea Escape

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Proteastraat 25, Onrus, Hermanus, 7201, Wes-Kaap
Vanaf R2 900 per nag (plek vir 8)

Beskrywing

Protea Escape is 'n selfsorgvakansiehuis in Onrus en is 'n ideale keuse vir vriende en familie wat op soek is na 'n gerieflike basis vanwaar hulle die omliggende gebiede en sy geriewe kan verken.

Dié dubbelverdiepinghuis bied slaapplek aan 8 gaste en beskik oor 4 slaapkamers en 3 badkamers. Die eerste en tweede slaapkamers ihet elk 'n dubbelbed en daar is 2 enkelbeddens in die derde slaapkamer. Gaste in dié kamers deel 2 badkamers, een met 'n bad, stort, wasbak en 'n toilet, en die ander met 'n stort. Die vierde slaapkamer is in die woonstel op die perseel en het 'n dubbelbed en 'n en suite-badkamer met 'n stort, wasbak en 'n toilet. Linne en handdoeke word voorsien, maar gaste moet hul eie swemhanddoeke saambring.

Die oopplan-kombuis is met 'n yskas-vrieskas, gasstoof, oond, mikrogolf, eetgerei, breekware en tee- en koffiemaakgeriewe toegerus. Die sitarea het gemaklike sitplek, 'n TV en 'n etenstafel. Die woonstel het 'n lessenaar, 'n etenstafel en 'n klein kombuisie met tee- en koffiemaakgeriewe. WiFi is beskikbaar.

Gaste het toegang tot 'n boma met 'n vuurput en 'n braai, asook 'n dakdek met berguitsigte. Veilige parkeerplek is op die perseel beskikbaar. Hierdie verblyf is in 'n stil doodloopstraat naby plaaslike geriewe soos winkels en restaurante geleë en is ongeveer 500 m vanaf Onrusstrand.

Kry ’n Kwotasie