Sea Studio

Selfsorg

Gratis kansellasie tot 1 week voor jou verblyf!
Kapasiteit: 2 persone
Geen kinders
Inkloktyd: 14:00 tot 21:00
Uitkloktyd: 10:00
Adres: Old Seaview-weg 302, Chelsea, Gqeberha (Port Elizabeth), 6011, Oos-Kaap
Vanaf R1 100 per nag (plek vir 2)

Beskrywing

Sea Studio is 'n ruim seefront-woonstel op die boonste verdieping, met 'n skouspelagtige uitsig oor die see en die platteland. Kom ontsnap uit die stad, asem vars plattelandse lug in, ruik die see, luister na die natuur en voel die briesie op jou vel.

Die ruim slaapkamer het 'n koninggrootte-bed wat op versoek in 2 enkelbeddens omskep kan word. Dit moet ten minste 2 dae voor aankoms so versoek word. Daar is ook oorgenoeg ingeboude kaste. Die slaapkamer het 'n 43" platskerm-TV met Netflix, YouTube en OpenView.

Die oopplan-kombuisie is met 'n yskas, mikrogolfoond, broodrooster, ketel, drupkoffiemasjien, dompelkoffiepot, breekware, eetgerei en toebehore toegerus, en daar is sitplek by die toonbank met 'n uitsig. Baie boeke word voorsien vir gaste wat lekker lees.

Die en suite-badkamer het 'n stort, bad, wasbak en toilet. Daar is ook 'n ekstra aparte toilet.

Beide die slaapkamer, kombuisie en die leefarea se deure lei na 'n privaat balkon met asemrowende uitsigte oor die see en die omgewing. Die woonstel bied ook komplimentêre WiFi.

'n Strykyster en -plank kan op versoek voorsien word.

Daar is ook ander eenhede op die perseel wat op hierdie platform gelys is. Moonlight Studio bied slaapplek aan 4 gaste, Stargazer Cottage bied slaapplek aan 4 gaste en Barefoot Cottage bied slaapplek aan 2 gaste.

Aktiwiteite in die area sluit swem, fietsry, voëlkyk, perdry, bergfietsry, visvang, voetslaan en wildritte in. Die Kragga Kamma Wildpark is net 6 km ver, Sardinia Bay-strand is 5 km ver en Kinibaai se strand is 6 km ver.

Kry ’n Kwotasie