Sea View Apartment

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Cowry-rylaan 45, Elysium, Mdoni, 4185, KwaZulu-Natal
Vanaf R800 per nag (plek vir 4)

Beskrywing

Sea View Apartment is 'n oopplan-selfsorgwoonstel op die eerste verdieping van 'n gebou in Elysium, Mdoni. Die woonstel is 200 m van 'n pragtige, onbewaakte strand af en Ifafa-strand is 4 km ver. Ifafa-strand het 'n getypoel en bewaakte strand, en so ook Mwatalume. Cozy Cove in Mwatalume is 'n restaurant wat 7 dae 'n week oop is en Hibberdene is 17 km ver en het die naaste winkelkompleks. Dit het ook 'n Blouvlagstrand en die Jolly Roger het 'n waterwurm, restaurant en 'n putt-putt-baan met 18 putjies.

Die woonstel het slaapplek vir 4 gaste en het 'n oopplan-uitleg. Die hoofslaapkamer het 'n koningingrootte-bed, spieëltafel, 'n area om bagasie te stoor, 'n kas met 4 laaie en 2 rakke en 2 staanders met hangers. Die woonstel het 'n storthokkie met warm en koue water. Daar is 'n aparte toilet en wasbak.

Die kombuis is met 'n yskas, gasstoof, 'n elektriese en 'n gasketel, broodrooster, mikrogolf, dubbelwasbak, besemkas, groenterak en skoonmaakmiddels toegerus. Daar is eetgerei en breekware vir 4 gaste. Daar sal ook 'n verwelkomingsdrankie in die yskas wees met aankoms en tee, koffie, verromer, suiker en versoeter vir die eerste nag.

Die leefarea het 'n TV met 'n OpenView-dekodeerder en 'n etenstafel vir 4. Daar is 2 enkelbeddens in dié area en dit word geskei met 'n kamerverdeler. Die leefarea het groot vensters met 'n see-uitsig. Op die groot balkon is daar 'n tafel, 4 stoele en 'n draagbare braai. Die stoep se oostelike kant het ook 'n see-uitsig.

Binne 'n radius van 30 km is daar 8 gholfbane, 'n dryfbaan, 'n mashie-baan met 9 putjies en 4 rolbalbane. Verskeie visvanggeleenthede en besienswaardighede is beskikbaar en afhangende van die tyd van die jaar kan gaste dolfyn- en walviskyk. Tussen Junie en Julie is die bekende Sardientjieloop 'n moet-sien-geleentheid.

Kry ’n Kwotasie