South Sands Beach Villa Nr 1

Selfsorg

Kapasiteit: 8 persone
Alle ouderdomme is welkom
Inkloktyd: 10:00 tot 20:00
Uitkloktyd: 10:00
Adres: Stoppel Place, Munster, 4278, KwaZulu-Natal
Vanaf R1 100 per nag (plek vir 8)

Beskrywing

South Sands Beach Villa Nr 1 is 'n selfsorgvakansie-eenheid in 'n sekuriteitskompleks in die Suidkus-dorpie Munster, Glenmore Beach. Die eenheid bied 'n ononderbroke uitsig oor die see vanaf die dek en gaste kan op party dae 'n dolfyn of walvis in die water sien baljaar.

Die eenheid bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n stort-oor-bad. Die hoofslaapkamer is op die boonste verdieping. Daar is 2 slaapkamers een met 2 enkelbeddens en een met 2 enkelbeddens en 'n stapelbed, op die grondverdieping. Dié 2 kamers deel 'n badkamer met 'n stort-oor-bad. Albei kamers bied toegang tot 'n onderste stoep.

Die boonste verdieping het 'n toegeruste kombuis en leefarea. Die leefarea en die hoofslaapkamer lei na die houtdek met 'n pragtige see-uitsig. Die kombuis is met 2 yskas-vrieskaste, 'n stoof, mikrogolfoond, ketel, lugbraaier, eetgerei en breekware toegerus. Die eenheid het 'n slim-TV met Netflix, Showmax en DStv Premium. Die eenheid het ook 'n wasmasjien, tuimeldroër, skottelgoedwasser, draagbare Weber-braaigeriewe en 'n kluis vir skootrekenaars en vuurwapens. Die eenheid het ook lugversorging in die sitarea wat ook die hoofslaapkamer sal verkoel.

Onbeperkte WiFi is beskikbaar en dit het ononderbroke kragtoevoer vir wanneer daar beurtkrag is. 'n Rugsteunbattery sal die TV en 'n lig in die sitarea aan hou. Al die slaapkamers het ook noodligte en daar is ligte wat met sonkrag werk buite. Die kompleks het watertenks.

Daar is plafonwaaiers in die sitarea en al die slaapkamers. 'n Veiligheidshek is beskikbaar op die trappe om kinders veilig te hou. 'n Skoonmaakdiens is op versoek en teen 'n ekstra koste beskikbaar.

Die strand is net 40 m van die hek af en die hoofswemstrand is omtrent 100 m van die eenheid af. Die hoofstrand is kindervriendelik en daar is haainette vir gemoedsrus en beskerming. Daar is 'n pragtige, natuurlike staproete aan die ander kant van die strandmeer met 'n majestueuse uitsig oor die see en die strande aan albei kante. 'n Mens mag hier visvang as jy 'n permit het, so bring gerus jou visvangtoerusting saam.

Die kompleks is baie veilig en het 'n elektriese heining. Die eenheid het 'n alarmstelsel wat aan gewapende reaksie gekoppel is, veiligheidsdeure, ligte wat met sonkrag werk buite en noodligte in al die kamers.

Let asb. dat daar trappe in die eenheid is en dit mag onveilig wees vir gaste met gestremdhede of bejaarde gaste. Die ongerepte uitsig is elke trappie die moeite werd.

Kry ’n Kwotasie