Ten On Tornyn

Selfsorg

Kapasiteit: 19 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Tornynstraat 393, Oesterbaai, Humansdorp, 6300, Oos-Kaap
Vanaf R990 per nag (plek vir 2)

Beskrywing

Ten On Tornyn is 'n hanetreetjie van die Oesterbaai-swemstrand af geleë. Dit bied gehalte, gerieflike verblyf en is ideaal vir 'n gesin of groep vriende wat op soek is na 'n rustige wegbreek.

Verblyf word gebied in 'n keuse van 3 kothuise en 1 drieslaapkamerhuis. Twee van die kothuise het slaapplek vir 2 gaste en is ingerig met 'n dubbelbed, en die derde kothuis het slaapplek vir 3 gaste en is ingerig met 'n dubbelbed en 'n enkelbed. Elke kothuis het 'n en suite-badkamer, en 'n oopplan-kombuis en -leefarea met 'n binnebraai en 'n uitstapdek. Die kombuis is toegerus met 'n yskas, mikrogolf, stoof en tee- en koffiemaakgeriewe, en die vermaakarea buite spog met wonderlike see-uitsigte. Boonop het kothuis 1 'n oond.

In die hoofhuis is twee van die slaapkamers elk ingerig met 'n dubbelbed en die derde slaapkamer is ingerig met 2 enkelbeddens. Elke badkamer is toegerus met 'n bad en 'n stort. Die huis het 'n groot, oopplan-leefarea met 'n binnebraai, opwaskamer, wasarea en kombuis wat volledig toegerus is met 'n oond, stoof, mikrogolf, yskas en tee- en koffiemaakgeriewe. Die patio het 'n gasbraai en spog met wonderlike see-uitsigte.

Geriewe op die perseel sluit 'n braai-area, veilige parkeerplek en WiFi in. Ten on Tornyn het ook sonpanele wat kragonderbrekings voorkom.

Gaste het toegang tot veilige parkeerplek op die perseel.

Kry ’n Kwotasie