Thornbay Accommodation

Selfsorg

Kapasiteit: 28 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Kusweg 4, Kusweg 4, Doringbaai, 8151, Wes-Kaap
Vanaf R920 per nag (plek vir 2)
TGCSA-gradering:

Beskrywing

Thornbay Accommodation bied verblyf in Doringbaai, 'n klein dorpie in die suide van Namakwaland aan die Weskus. Hiér kan jy kan ontspan in 'n rustige en vriendelike omgewing.

Ons het 8 volledig toegeruste selfsorgwoonstelle met fantastiese uitsigte oor die Doringbaai-hawe, -vuurtoring, die see en pragtige sonsondergange oor die Atlantiese Oseaan. Al die woonstelle front na die see en bied onbelemmerde uitsigte oor die oseaan wat net 'n paar treetjies van ons af is. Linne en badhanddoeke word voorsien.

Elke woonstel het 'n volledig toegeruste kombuis- en sitarea asook 'n braai-area en 'n privaat ingang. Van die woonstelle is op die grondvloer en die res is op die eerste vloer. Parkeerplek is op die perseel beskikbaar. Ander geriewe sluit 'n kuierkamer met 'n pooltafel en veerpyltjiebord in, asook 'n bibliotekie, trampolien en swembad.

Daar is 'n vissery waar jy seekos, kaggelhout en ys kan aanskaf. Daar is ook hengel- en duikgereedskap (beperkte voorraad). 'n Restaurant, kroeg en verskeie kitskosrestaurante is net 'n paar minute se stap van ons af indien jy nie lus is om kos te maak nie.

Kom ontdek ons deel van die wêreld hier in Doringbaai. Raak saans langs die koel Atlantiese Oseaan aan die slaap en gaan verken bedags die warmer binnelandse dorpies.

Dié omliggende areas noord en suid van Doringbaai bied baie om te sien en doen vir enige besoeker regdeur die jaar. Stap langs die afgeleë strande, geniet 4x4-roetes, walviskyk, visvang, Olifantsriviermond voëlreservaat, staproetes teen die hange by die see of in die berge, Namakwaland se blomme (laat winter en lente), 'n wêreldbekende vetplantkwekery, wynroetes wat in Doringbaai begin en vele meer.

Kry ’n Kwotasie