Beskrywing

Tuis en Tevrede is 'n knus woonstel met 'n aparte ingang, wat op die eienaar se eiendom, sentraal in die gewilde kusdorpie Hermanus geleë is. Dit is die ideaal vir 'n klein gesinsvakansie, aangesien dit net 200 m vanaf Cliff Path en 'n klipgooi van die middedorp af is.

Dié woonstel bied slaapplek aan 4 gaste en beskik oor 2 slaapkamers en 2 badkamers. Die hoofslaapkamer het 'n koningingrootte-bed, terwyl die tweede slaapkamer 2 enkelbeddens het. 'n Bababedjie is op versoek beskikbaar. Die eerste badkamer het 'n stort, terwyl die tweede badkamer 'n hoekbad en 'n stort het. Alle linne en handdoeke word voorsien.

Die oopplan-leefarea het 'n kombuisie wat met 'n induksieplaat, mikrogolf, toebroodjierooster, yskas-vrieskas, lugbraaier, eetgerei, breekware, sowel as tee- en koffiemaakgeriewe toegerus is. Gaste kan hul maaltye by die etenstafel geniet of in die sitarea voor die TV ontspan. Komplimentêre WiFi is beskikbaar.

Dié eenheid het 'n sonkragstelsel en batterye wat tydens beurtkrag inskop. Buite die eenheid is daar 'n lieflike stoep met buitesitplek en 'n ingeboude braai wat ideaal is vir skermerkelkies. Die eiendom is naby Hermanus Gholfklub en Fernkloof Natuurreservaat. Die perfekte plek om die seisoenale walvisse te besigtig is by Sieviers Point wat 500 m ver is.