Beskrywing

Tuis en Tevrede is 'n knus woonstel met 'n aparte ingang wat op die eienaar se eiendom geleë is sentraal geleë in die gewilde kusdorpie Hermanus. Dit is 'n ideale opsie vir 'n klein gesinsvakansie aangesien dit net 200 m vanaf Cliff Path en 'n hanetreetjie van die middedorp af is.

Dié woonstel het slaapplek vir 4 gaste op 'n slag en beskik oor 2 slaapkamers en 2 badkamers. Die hoofslaapkamer is ingerig met 'n koningingrootte-bed, terwyl die tweede slaapkamer 2 enkelbeddens het. 'n Kampbedjie is ook op versoek beskikbaar. Die eerste badkamer het 'n stort, terwyl die tweede 'n hoekbad en 'n stort het. Alle linne en handdoeke word voorsien.

Die oopplan-leefarea beskik oor 'n kombuisie wat toegerus is met 'n induksieplaat, mikrogolf, toebroodjiepers, yskas-vrieskas, lugbraaier, eetgerei en breekware asook tee- en koffiemaakgeriewe. Gaste kan hul maaltye by die etenstafel geniet of in die sitkamer ontspan terwyl hulle TV kyk. Komplimentêre WiFi is beskikbaar.

Hierdie eenheid sluit ook 'n sonkragstelsel en batterye in vir dekking tydens beurtkrag. Buite die eenheid is daar 'n lieflike patio met buitesitplek en 'n ingeboude braai wat die ideale plek is vir 'n skemerkelkie in die aande. Die ligging van hierdie eiendom is naby Hermanus Gholfklub en Fernkloof Natuurreservaat. Die perfekte plek om die seisoenale walvisse te besigtig is by Sieviers Point wat sowat 500 m ver is.