Valley Bushveld Country Lodge

B&B

Kapasiteit: 18 persone
Geen kinders
Inkloktyd: 14:00 tot 20:00
Uitkloktyd: 10:00
Adres: Prentice Kraal, Cockscomb-pad op die R75, Uitenhage, 6232, Oos-Kaap
Vanaf R1 600 per nag (plek vir 2)
TGCSA-gradering:

Beskrywing

Valley Bushveld Country Lodge is 'n safari-lodge wat deur die eienaar bestuur word. Dit is in die Oos-Kaap geleë en gebou op 'n privaat wildreservaat op die oewer van die Coega-rivier, net 200 m van die R75 af onderweg na Addo, Kirkwood en Graaff-Reinet.

Die lodge het 'n sentrale eetkamer en 'n ruim en stylvolle sitkamer met 'n kaggel en kroegarea wat uitkyk die rivier en natuurlike rotswand in die verte. Die lodge het 'n standaarddubbelkamer met slaapplek vir 2 gaste, 'n standaard-2-enkelbedkamer met slaapplek vir 2, 2 Deluxe-dubbelkamers met slaapplek vir 3, 'n gesinskamer met slaapplek vir 4 en 'n Executive Suite met slaapplek vir 4. Die kamers is smaakvol gemeubileer met 'n Afrika-gevoel en al die nodige luukshede soos gehalte-linne en dekor.

Op koue wintersaande sal jy 'n knetterende vuur in die groot kaggel aantref, en op warm somersdae is daar geen beter plek om in die son te lê en bak, as langs ons wonderlike swembad, nie.

Die lodge is 'n diereliefhebber se paradys, met 17 spesies wat die privaat reservaat hul tuiste noem. As jy op die stoep sit, kan jy ons grootwild gewaar, insluitend die kameelperde, blouwildebeeste, sebra's, rooibokke, jakkalse, rooikatte en vlakvarke. Kleinwild is ook hier te vinde en kan raakgesien word indien jy mooi kyk, die kleinwild-spesies sluit die meerkatte en ystervarke in, sowel as die primate: bobbejane en blouapies.

Verskeie voëlspesies, insluitend die majestueuse witkruisarend, het kom nesskop in die bosveld en teen die berghange langs die rivier. Die omliggende plantegroei is 'n vetplant-paradys met aalwyne, Euphorbia's en spekbome wat welig hier groei langsaan die beskermde kokerbome en inheemse strelitzia.

Die lodge bied 'n absolute onbelemmerde en panoramiese uitsig oor die veraf berge, tradisionele gourmet-kookkuns, wonderlike sonsondergange en unieke storievertellers. Dit alles dra by tot 'n prettige en ontspanne atmosfeer.

Kry ’n Kwotasie