Vat Dit Of Los Dit

Beskrywing

Vat Dit Of Los Dit bied knus oornagverblyf met 'n privaat ingang op die eienaar se perseel in die hartjie van Sandbaai, Hermanus. Dit is ideaal vir 'n paartjie wat die pragtige omgewing wil verken.

Dié woonstel het gemaklike slaapplek vir 2 gaste en beskik oor 'n oopplan-ontwerp. Dit het 'n dubbelbed en die badkamer het 'n stort, wasbak, en toilet. Alle linne badhanddoeke word voorsien.

Hierdie woonstel het ook 'n kombuisie in die kamer wat met stofie mikrogolf, yskas/vrieskas, eetgerei, breekware en tee- en koffiemaakgeriewe toegerus is. Dié ruimte het ook 'n sitarea en 'n TV. Gratis WiFi is beskikbaar.

Alle gaste het volle toegang tot die perseel se gedeelde swembad om op daardie warm somersdae af te koel. Braaigeriewe en veilige parkeerplek is ook beskikbaar. Die eenheid is stapafstand vanaf Sandbaaistrand en Onrusstrand.