Voorbegin Bosveldverblyf

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Raasblaarweg 54, Droogekloof, Bela-Bela, 0480, Limpopo
Vanaf R600 per nag (plek vir 5)

Beskrywing

Voorbegin Bosveldverblyf bied verblyf op 'n plaas minder as 'n halfuur se ry vanaf Warmbad/Bela-Bela, 25 km vanaf Thabazimbi en skuil in die skadu van die pragtige Waterberge.

Verblyf word in twee eenhede aangebied, naamlik 'n woonstel en 'n chalet.

Die woonstel is direk agter die hoofhuis, maar het 'n privaat ingang na 'n privaat, troeteldiervriendelike erf. Die woonstel bied slaapplek aan 5 gaste en beskik oor 2 slaapkamers en 1 badkamer met 'n bad en 'n stort.

Die chalet is 'n losstaande eenheid met slaapplek vir 4 gaste. Die eenheid beskik oor 1 slaapkamer met 'n dubbelbed en 'n dubbelbed in die sitarea. Die badkamer het 'n bad, stort, wasbak en 'n toilet.

Elke eenheid het 'n kombuis wat met 'n yskas, mikrogolfoond, tweeplaatgasstoof, en tee- en koffiemaakgeriewe toegerus is.

Let asb. daarop dat daar geen TV of WiFi is nie.

Daar is 'n swembad by die eienaars se huis wat tot alle gaste se beskikking is, asook 'n plaasdam waarin gaste kan swem as hulle nie bang is vir kurpers nie. Daar is veilige parkeerplek op die perseel. Daar is visse in die plaasdam en visvang word toegelaat op 'n vang-en-vrylaat-basis.

Alle beddegoed en handdoeke word voorsien. Bosveldhout is by die braai-area beskikbaar, maar gaste sal hul eie hout moet voorsien sodra dit opgebruik is. Indien tuisgebakte beskuit beskikbaar is, sal dit ook voorsien word.

Kinders het die geleentheid om meer oor die plaaslewe te leer aangesien daar 'n verskeidenheid bokke en plaasdiere is. Kinders kan selfs help om eiers bymekaar te maak.

Besienswaardighede in die omgewing sluit Adventures with Elephants, Zebula Gholfbaan, Bambelela Wildlife Care, Thaba Pitsi Natuurreservaat, Waterberg Zipline Adventures en Mabalingwe Natuurreservaat in. Daar is ook 'n staproete in die Waterberg, ongeveer 2 km van Voorbegin af.

Vars plaasprodukte soos plaaseiers, lamsvleis, Europese bosvarktjops, hoender in verskillende porsies, kaasworsies, wildswors, beesvleis, verskillende soorte boerewors, biltong en droëwors is te koop. Alhoewel daar 'n plaaswinkel 3 km vanaf die verbllyf is, sal ys en hardehout vir die braai op die perseel beskikbaar wees.

Verder maak die verblyf van sonkrag gebruik en word nie deur beurtkrag geraak nie.