Uitstekende verblyf teen 'n sakpas prys! Ek was baie aangenaam verras oor die verblyf en ook die bekostigbaarheid. Christine was baie bedagsaam met die reëlings oor die sleutel en deurgaans hulpvaardig en gasvry. Ek beveel Walker Inn ten sterkste aan met die grootste vrymoedigheid.

Dit is 'n rustige en veilige omgewing. Het baie lekker gebly, dankie.

Het net oorgeslaap omdat ons baie vroeg by die lughawe moes wees. Netjies en skoon, gerieflik en vriendelike gasvrou. Baie dankie.

Rustige paar dae daar deur gebring ten spyte van die erge hitte! Dit is 'n netjiese plekkie, en naby die hospitaal geleë, wat vir ons baie belangrik was. Christine is hulpvaardig, vriendelik en kan lekker kosmaak!

Waarde vir geld, goeie ligging en gemaklik. M. Gemaklike plek om te bly, waarde vir geld en baie goeie ligging. Die basiese wat nodig was om 'self catering' te doen was als daar. Sal hulle enige tyd aanbeveel. Hulle was selfs gemaklik laat my hondjie wat saam my moes ry ook saam daar bly. 'n.

Sal enige tyd aanbeveel. Vriendelike en hulpvaardige gasvrou. Baie skoon en goed versorgde plek. In 'n baie stil omgewing en sentraal geleë.

Wegbreek. Gemaklik. Gerieflik. Goeie diens.

Dit was nie te sleg nie. Dankie. Ons was bietjie ongemaklik omdat die spasie baie klein was, maar die dame het genoem dat die spasie baie klein is. Die stofie om te gebruik vir kosmaak was onder 'n rak, so ons sou dit nie kon gebruik nie. Die dame was baie hulpvaardig om 'n matrasie te verskaf vir my 12-jarige seun om vir hom te kan bed maak op die vloer. Ons het per ongeluk die dame se dun fleece kombersie ingepak; sy het verwag ons moes die prys betaal vir 'n splinternuwe kombers, maar ek het hom toe eerder vir haar teruggevat, gery van Middelburg na PTA toe. Het darem besigheid daar gaan doen. So, ja, ons het 3 aande geboek en het net 2 aande gebly omdat dit vir ons as 2 volwasse mense, 'n kind en ons 2 hondekinders, maar net bietjie te klein was. Verder, baie pragtig en veilig en alleenlik net vir 2 gaste, nie kinders en vir jou dierekinders ingerig nie.

Moeilike inklok. Ek het gereël vir laat inklok en hulle het 'n sleutel vir my gelos, maar ek het vreeslik gesukkel met die slotte en dat daar nie 'n lig aanwas om my te help sien nie. Ek het gevra of daar Ubers beskikbaar was en hulle het laat weet daar is baie, maar toe ek een wou boek, moes ek langer as 'n uur wag vir 'n beskikbare Uber. Verder was die plek netjies en mooi en daar was alle basiese geriewe.

Dit is 'n pragtige, skoon, gemaklike en veilige verblyf. Die eienaar is baie vriendelik en daar is 'n goeie spyskaart met lekker spaghetti bolognese.