Geverifieerde Resensie
Bethulie
Al die resensies is deur LekkeSlaap-gaste geskryf wat in Bethulie bespreek het
Hierdie plek het 'n gemiddeld van 4 uit 5 gekry volgens 204 resensies.
"Stil dorpie, goed vir geskiedenis-liefhebbers. Word netjies gehou. Kuierplekke gewild onder die inwoners en reisigers. Sluit in by jou reisplan."
"Dit was ons eerste besoek aan Bethulie en ons het nie van die boogbrug oor die Oranjerivier geweet nie. Ook nie van die Kampkerkhof waar baie ouers en klein kindertjies in die konsentrasiekampe vir volk en vaderland gesterf het nie. Dit was wonderlik om dit te besoek. Ons moes egter soek vir aanwysings en moes vir iemand in die dorp die aanwysings vra."
"Die dorp is besonder aantreklik met die breë, boomryke strate, en die mense verpersoonlik daardie egte outydse plattelandse vriendelikheid en gasvryheid. Die konsentrasiekamp-kerkhof was 'n onvergeetlike ervaring."
"Bethulie is 'n baie oulike dorpie met baie geskiedenis. Regte boeregemeenskap wat gasvry is. Baie rustig en stil. "
"Paaie kort dringende opknapping! Goeie eetplekkies, oulike deli/slaghuis vir biltong en skaapvleis."
"Net een aand oorgeslaap, maar dink die pragtige omgewing het potensiaal as dit bemark word. Baie mense weet nie waar dit is nie. Ek sal graag terugkeer."
"Dit sou wonderlik gewees het om voor die tyd meer te geweet het van Bethulie se besieningswaardighede sodat ons tyd kon inruim om bietjie langer oor te bly en nog meer te kon sien. Aan die anderkant miskien kan ons nou 'n tweede keer daar 'n draai gaan maak. "
"Trudie van die museum was baie behulpsaam met inligting oor die area en die konsentrasiekampe, asook die monumente in die area. Sal graag langer tyd in die area wil bly. Dis ryk aan Afrikaner-geskiedenis. "
"Bethulie is 'n klein plekkie, geen gejaag of lawaai nie. Baie ou geboutjies met heelwat geskiedenis. Ons was ongelukkig laat op 'n publieke vakansiedag daar en kon nie dit ten volle geniet nie. Skoon, rustig en netjies. Baie veilig. Eg platteland."
"Eerste keer wat ons daar was maar sal beslis weer inloer as die geleentheid hom voordoen."
"Bethulie is 'n perfekte halfpad-oorslaapplekkie Kaap toe. Lieflike pad om te ry en fantastiese brug om te sien, 'n regte geskiedkundige plekkie."
"Meer reisigers behoort deur dorpe soos Bethulie en Philippolis te ry as 'n alternatiewe roete vir die N1. Kom raak stil en geniet hierdie dorpe oor 'n koppie koffie voor jy verder reis."
"Ons eerste besoek aan Bethulie - baie mooi rustige dorpie en die moeite werd om te besoek."
"Bethulie is 'n dorp vol ryk geskiedenis en interessante inwoners. 'n Bestemming vir reisigers wat belangstel in die verlede en kleurryke mense. "
"What a lovely, clean little village, filled with history and charm. WONDERFUL."
"Bethulie word al hoe meer ontdek en beset met nuwe inwoners. Dis in teenstelling met die agteruitgang van baie ander dorpies in die omgewing."
"Baie klein dorpie met 'n baie indrukwekkende brug wat die langste brug in SA is."