Geverifieerde Resensie
Clarens
Al die resensies is deur LekkeSlaap-gaste geskryf wat in Clarens bespreek het
Hierdie plek het 'n gemiddeld van 4.7 uit 5 gekry volgens 3984 resensies.
"Wonderlike restaurante, klein winkeltjies en kunsgalerye, asook mooi staproetes wat 'n bietjie beter geadverteer kan word."
"Clarens is in 'n wonderskone kom tussen veelkleurige sandsteenberge geleë. Buiten vir die vars lug en pragtige omgewing, beskik Clarens ook oor die oulikste winkeltjies wat wenskopers vir ure besig kan hou. Ek het my verstom aan die uiteenlopende aktiwiteite wat Clarens Xtreme aanbied - my vingers het sommer gejeuk om hul klimmuur aan te durf! Bethlehem is ongeveer 30 minute buite Clarens en beskik oor 'n groot winkelsentrum (Dihlabeng Mall) waar jy enige iets en nog meer onder een dak kan kry en Golden Gate Nasionale Park is ook ongeveer 25 minute buite Clarens geleë."
"Dit is n pragtige en rustige dorp met voldoende aktiwiteite. Selfs vir die jonger geslag, wat ons aan enigiemand kan aanbeveel."
"Heeltemal te besig na my smaak. Ongelooflike natuurskoon, maar die toerisme oorheers die dorp."
"Clarens is 'n rustige dorpie met pragtige berge reg rondom. Winkels en eetplekke maak baie vroeg toe. Daar is baie aktiwiteite in die omgewing om aan deel te neem."
"Clarens is 'n goeie sentrale punt om baie van die Oos-Vrystaat te sien. Dit is regtig 'n baie mooi omgewing en natuurskoon. Die mense is vriendelik alhoewel ek dink dat Clarens baie meer potesiaal het as wat die sakegemeenskap daarvan maak. Ons geniet dit om Clarens te besoek."
"Ons het Clarens in Desember 2016 besoek en die omgewing was lieflik groen en beeldskoon. Dis 'n absolute moet vir natuurliefhebbers. Die dorpie bied ongelukkig nie 'n groot verskeidenheid winkels wat kruideniersware verkoop nie, so bring maar saam wat jy nodig het (veral oor die piek Desember tydperk). 'n Besoek aan die Golden Gate Nasionale Park is natuurlik ook 'n moet as 'n mens 'n paar dae in Clarens is. "
"Clarens is 'n pragtige plekkie, was heerlik om al die winkeltjies en eetplekke te besoek en net die skoonheid te bewonder. Die diens in meeste van die restaurante is iets wat kan verbeter, maar andersins was dit baie aangenaam. Sal vir seker weer gaan vir 'n wegbreek tydjie."
"Baie veilige dorp met baie interessante klein plekkies en winkels binne loopafstand."
"Clarens is vir ons 'n pragtige skilderagtig dorpie en dit vreeslik geniet en ons beplan om die toekoms weer 'n draai te gaan maak. Het die winkels en restaurante baie geniet en hope foto's geneem. Dit is baie skoon en vriendelike dorp."
"Clarens was nie hoofrede vir besoek nie, ons is natuurmense en kon nie plek kry by Golden Gate nie so het bedags soontoe gery."
"Iets vir almal en alle ouderdomme - van 6 tot 60! Van kuns en kultuur tot stap en 'white water rafting' wat ek op die flukse ouderdom van 50+ vir die eerste keer aangedurf het (gevolg na 'n dag in die spa uit die aard van die saak)."
"Clarens is vir ons 'n plek om stil te word en weer jou siel en menswees te vind. Die laaste 5 jaar is daar baie ontwikkeling en genoeg om te doen vir alle ouderdomme."
"Clarens was alles wat ons van 'n kunsdorp verwag het en meer. Net jammer dat die restaurante waar ons was nie veel na wense was nie. Die pryse van basiese lewensmiddels in die enkele supermark was ook buitensporig hoog. "
