Geverifieerde Resensie
Kleinzee
Al die resensies is deur LekkeSlaap-gaste geskryf wat in Kleinzee bespreek het
Hierdie plek het 'n gemiddeld van 4.1 uit 5 gekry volgens 75 resensies.
"Dorpie het erg agteruit gegaan en restaurantjies is erg onbetroubaar met tye wanneer hul oop of toe is, wat dit nogal moeilik maak as jy in 'n gastehuis bly. Die paaie is 'n gemors en dwelms en drank het die lokale inwoners erg benadeel. Die plaaslike inwoners bemors die hele plek. Beveel beslis nie aan vir 'n vakansie nie."
"Kleinzee is nie 'n hengelbestemming nie, dis bietjie ver van die see af en jy kan nie naby die strand kom met 'n voertuig nie. Daar is egter redelik baie restaurante en winkels en die dorp is veilig en rustig en stil."
"Die dorpie is baie klein en soos baie plattelandse dorpies bietjie verwaarloos, maar die see en natuurskoon is pragtig. Daar is ook 'n paar oulike braaihuisies op die strand wat wonderlik is en vir ons baie spesiale toevlugsoord was. Die Crazy Crayfish Dinner gee heerlike kos en baie vriendelike diens."
"Kleinzee is 'n heerlike wegbreek van die gewoel van die besige stadslewe. 'n Kans om weer te onthou hoe dit was toe jy nog al jou bure geken het, en toe daar nog 'n omgee was vir mekaar. Toe jy nog moes wag vir markdag. En wanneer die hele dorp bymekaarkom vir sportdag. 'n Lekker kykie in die goeie ou dae."
"Alhoewel kleinsee 'n klein plekkie is en grondpad en baie ver van ander plekke het ons ons geniet."
"Enige negatiewe kommentaar: paaie om Kleinzee nie goed nie, maar die mense in Kleinzee en Port Nolloth so vriendelik en behulpsaam."
"Kleinzee is 'n baie mooi, baie stil dorpie. Groot dele van die dorp lyk nog bietjie verwaarloos, na die myn uitgetrek het en die dorp lank leeggestaan het, maar die inwoners werk hard om alles weer blink te kry. Moenie groot dinge verwag nie. "Opening hours" van besighede en restaurante is slegs "suggestions" lol, so los jou stadsverwagtinge tuis en kom wees rustig. Die kalmte is 'n lafenis vir die siel. Ek sal graag weer teruggaan. Volgende keer bring ek vriende en my duiktoerusting saam."
"Met eerste oogopslag het ek gewonder wat my besiel het om Kleinzee toe te gaan, maar glo my, die plek het 'n manier om 'n reuse "footprint" in jou hart te los."
"Ek het meer van Kleinzee gehou as Port Nolloth as 'n dorpie. Nie genoeg tyd gehad om alles te verken want ons het net oornag. Gaan beslis terugkeer."
"Ons verstaan die redes waarom, maar die paaie het dringende aandag nodig."
"Although it is a very small towm, you can find all you need there, from fuel to tomatoes and meat. The Namaqua Nature reserve is really not far away so one can stay there and drive out for the day, wether you want to do the coastal park route or drive to Garries on the N7 and work your way up to Skilpad rest camp via the reserve back to Koingnaas and then back to Kleinzee. That is an awesome route to travel and you will see all there is to see."
"'n Toeristebestemming wat dalk nie genoeg besoek word nie, aangesien die grondpad soontoe (40 km) dalk besoekers afskrik. Maar glo my, die pad vanaf Springbok oor Spektakelpas is baie besonders. Moet dit nie mis in die blommetyd nie!"
"Quiet place, off the beaten track. You have to take gravel roads to get into Kleinzee - so just note that. I would go back there anytime."