Geverifieerde Resensie
Mpumalanga
Al die resensies is deur LekkeSlaap-gaste geskryf wat in Mpumalanga bespreek het
Hierdie plek het 'n gemiddeld van 4.4 uit 5 gekry volgens 10162 resensies.
Mbombela (Nelspruit), Mpumalanga
Hippo WaterFront Lodge"Nelspruit is maar net asemrowend en dit bied die mooiste natuurtonele. As jy na Nelspruit toe gaan, moet jy definitief die Sudwalagrotte en natuurlik God`s Window gaan besoek."
"Goeie sentrale punt om die omgewing te verken. Lekker eetplekke en rustige atmosfeer. Dit benodig 'n kunswinkel met goeie skilderye en miskien antieke meubels. Syfabriek is uniek en beslis die moeite werd om te besoek."
"Ek sal eerder Graskop gebruik om die die omgewing te verken. Ons was teleurgestel in Pelgrimsrus. Ek moet sê, die feit dat jy nou orals moet betaal om te gaan kyk na plekke in die dorp het my heeltemal afgesit. Verder, die grootste deel van die dorp is net 'n vlooimark met goed wat ek in enige mark kan koop. Bourke Luck is ook net 'n lokval vir toeriste nou. Jy betaal R55 om in te kan gaan. Dan is daar orals vullis wat op die terrein rondlê en nie opgeruim word nie. Die badkamers is ook haglik. Daar is 'n inligtingsentrum, maar geen werklike inligting nie. Ek sal voorstel dat hulle borde opsit wat sal verduidelik hoe die kolgate gevorm is en watter tipe rots dit is. Dit wil ook lyk of daar besoedeling voorkom in die rivier wat daar deurloop."
"Kaapsehoop is een van daardie edelgesteentes wat mens eintlik met niemand wil deel nie! Puik plekkie om te ontspan, met of sonder kinders."
"Baie om te doen en te sien, maar as jy wil wegvlug van 'n gedrang van mense is dit egter nie die plek vir jou nie."
"We have holidayed on numerous occasions in the Hazyview/Sabie area and have always enjoyed our stays there. It definitely is a great tourist area for foreign tourists as well as South Africans who want to enjoy their own country's sights and attractions."
"Graskop is 'n pragtige dorp en ek dink daar gaan dalk ontwikkeling kom met die opening van die Graskop Gorge Lift."
"Dis net jammer dat die dorpie se strate uitmekaar val. Sal beslis teruggaan om die klip sirkels te besoek. Dis 'n onbekende toeriste attraksie wat fasineer. Die tolhek by Machado is baie duur."
"Min inligting oor dorp in die dorp self beskikbaar. Moes als uit inwoners uit trek! Doen self vooraf navorsing. Nie al die verblyf plekke adverteer nie."
"Nog altyd 'n groot gunsteling vir ons om te besoek omdat dit die geleentheid bied om ook deel van die Kruger se wild te sien uit jou eie omgewing."
"Sabie is lekker sentraal want jy kan Hazyview toe ry asook Graskop toe ry en al die besienswaardighede daar ook gaan sien."
"Die enigste nadeel is om te sien hoe Marloth Park agteruit gaan, rommel lê die wêreld vol en dan kyk baie mense nie behoorlik na hulle erwe nie, by soveel huise lê boumateriaal en gemors rond en word nie behoorlik netjies op 'n plek gesit nie, soveel mense plant allerhande tuinplante om hulle huise en dit vat die natuurlike gevoel weg. Dan word mense ook net ingelaat in Marloth en die hek beheer is glad nie streng nie. Alhoewel ons geen water probleme ervaar het nie was groot dele van Marloth Park dag na dag sonder water en vreeslik baie mense het daaroor gekla, ek was vir 10 dae in Marloth en vir 10 dae was daar waterprobleme."
