Geverifieerde Resensie
Springbok
Al die resensies is deur LekkeSlaap-gaste geskryf wat in Springbok bespreek het
Hierdie plek het 'n gemiddeld van 4.2 uit 5 gekry volgens 646 resensies.
"Springbok is 'n tipiese plattelandse dorpie waar alles Saterdagmiddag rondom middagete toemaak, so maak seker dat jy alles klaar gekoop het wat jy dalk benodig voor middagete. Almal weet dis 'n lekker bestemming waarvandag mens vroeg-oggend tot in Windhoek kan ry, maar wie sou ooit kon dink watter fantastiese bestemming dit is om die blomme in Namakwaland te geniet? Ons het Springbok baie geniet en sal beslis weer gaan kuier!"
"Uitstekend geleë as basis om die Namakwaland te besoek, asook as oornagplek voor Namibië se grens."
"Dit is 'n baie mooier en groter dorp as wat ons verwag het. Ons was net 'n week te vroeg om blomme te sien maar natuurskoon die afstand werd!"
"Dit is 'n besonderse besige dorp en jy soek partykeer waar jy moet wees. Jammer dat ons nie die keer die beste Steakhouse kon besoek nie - ek praat van die Taurin."
"Tydens verblyf was die krag af. Die water was koud en daar was ook geen voorsiening gemaak om koffie te drink nie."
"Die Spur het toegemaak. Dit beteken dat jou opsies vir eet is nou Herb Garden of Beer and Basket is. Herb Garden, wat gewoonlik ons eerste keuse sou wees, het die aand vroeg gesluit. Ons was effe huiwerig oor die kroegatmosfeer van die alternatief met ons jong kinders, maar kon dit darem maak werk."
"Paaie is in goeie toestand. Hou van die anderste natuur, beplan om weer te besoek tydens die blom seisoen."
"Springbok is ideaal as oorslaapplek as jy op pad is na Namibië. Die dorp was egter die heel dag sonder water, omdat daar die vorige dag baie kragonderbrekings was. Die dorp kan ook skoner en netjieser wees."
"Ongelukkig nie die tipe dorp waar ek sal aftree nie, maar die omliggende natuurgebiede rondom maak op waar die dorp tekort skiet."
"Hierdie keer het ons nie die area se besienswaardighede benut nie, maar uit ondervinding weet ek dat daar heelwat te sien is. En nie noodwendig in die blommeseisoen nie!"
"Ek weet nie wat alles in die omgewing beskikbaar is vir besoekers nie, maar die plek is nog altyd uitstekend geleë vir oornagakkommodasie in die Noord-Kaap."
"Was aangenaam verras met die dorp en wat die dorp bied. Inwoners is vriendelik. Dorp is skoon. Sal definitief weer die dorp besoek."
"Mooi landskap, panoramiese uitsigte, unieke plantegroei veral in die lente, kokerbome. Sal enige toeris aanbeveel om 'n draai in Springbok te maak."
