Geverifieerde Resensie
Wild Coast
Al die resensies is deur LekkeSlaap-gaste geskryf wat in Wild Coast bespreek het
Hierdie plek het 'n gemiddeld van 4.4 uit 5 gekry volgens 1886 resensies.
"Ons sien hulle is besig met die opgradering van die paaie en plek."
"Bunckersheuwel is naby die golfbaan, winkelsentrum in die nabygeleë Vincent area asook Nahoonstrand met sy uitgestrekte strand en oulike koffiewinkeltjies, wat maak dat 'n mens nie ver hoef te ry om by 'n vorm van afleiding te kan uitkom nie. Dit is ook 'n rustige en skoon deel van die stad wat meer 'n plattelandse gevoel gee as jy daar is."
"Ons sal enige tyd weer Gonubie toe gaan. Dit was vir ons 'n tydjie wat ons nie maklik sal vergeet nie."
"Awesome! Het baie veilig gevoel daar. Het opgemerk dat daar geen diefwering op die huise was nie."
"Pragtige, netjiese skoon dorp. Vriendelike inwoners. Pragtige skoon Blouvlagstrand en twee lagoons. Baie swem en loop of net sit en natuurskoon inneem en waardeer. Ons gunsteling, die Bakkery se lekkerste brode en ander eetgoed."
"Ek was baie bly om te sien hulle het die dorpsgebied waar die winkels is opgeruim. Dit lyk baie netjies."
"Rustige, pragtige dorpie met soveel skoonheid, rustigheid en plekke om te gaan en dinge om te doen."
"Gonubie het 'n heerlike strand en dit is 'n lekker plek vir kinders om te baljaar in die lagoon."
"If it's not summer time, I would not visit Port Alfred. Only other time I will probably visit is if there is a festival of some sort, but then I will drive through from PE in the morning. "
"Port Alfred is 'n klein kusdorpie met pragtige omliggende uitsigte en sal perfek wees vir enigiemand wat wil ontspan en uit die besige stad kom. Daar is een of twee restaurante en vir alles anders is daar 'n winkelsentrum 'n entjie geleë uit die dorp. Van die strate kort beslis opgradering, maar die gevoel oor die algemeen is rustig en histories. "
"Gonubie is 'n groot geheim - dit is by ver een van die mooiste see-plekke in Suid-Afrika, maar sonder die maal en malheid van die Suidkus en ander gewilde seevakansie-plekke. Ons sal weer gaan!"
"Kidd's Beach is an attractive destination. It has a relaxed vibe and people are friendly."
"'n Pragtige stranddorp - veral die oosstrand bied geleentheid om ver langs die strand te stap. Absoluut heerlik! Rosehill Mall bied alles wat 'n vakansieganger wil hê. Wharfstraat, Bathurst 'n besliste besoek werd! Aangenaam verras met Kenton-on-Sea en Boesmansriviermond en veral Nanaga-padstal - besoekers aan die Oos-Kaap mag dit nie mis nie!"