1 On Chanteclair

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Chanteclairlaan 1, Chanteclair, Onrusrivier, 7201, Wes-Kaap
Vanaf R5 500 per nag (plek vir 8)

Beskrywing

Geleë in die hartjie van Onrus, Hermanus, is 1 On Chanteclair 'n ruim vakansiehuis wat 'n ideale kuswegbreek vir 'n gesin of 'n groep vriende bied. Dit bederf met 'n sonpaneelstelsel asook 'n oerwoudgimnasium in die tuin om kinders te vermaak.

Dié eiendom het slaapplek vir altesaam 8 gaste op 'n slag en beskik oor 4 slaapkamers, 3 badkamers en 'n gastetoilet. Die hoofslaapkamer is ingerig met 'n koninggrootte-bed en beskik oor 'n volledige en suite-badkamer. Die tweede slaapkamer het 'n koningingrootte-bed en 'n en suite-badkamer met 'n stort. Die oorblywende 2 slaapkamers het elk 'n dubbelbed en die derde badkamer het 'n bad en 'n stort. Alle linne word voorsien; gaste word egter verplig om hul eie handdoeke saam te bring.

Die uitgestrekte oopplan-leefarea beskik oor 'n kombuis wat volledig toegerus is met 'n gasstoof, elektriese oond, mikrogolf, lugbraaier, yskas-vrieskas, eetgerei en breekware asook 'n sentrale ontbyt-eiland met stoele. Van die kombuis af lei 2 eetareas met oorgenoeg sitplek vir gaste om hul maaltye saam te geniet. Boonop is daar 2 sitkamerruimtes met 'n TV asook 'n kroeg met stoele. Toegang tot gratis WiFi is beskikbaar.

Vir gaste se gerief is 'n binnebraai ook beskikbaar. Buite is daar 'n ruim tuin, swembad asook veilige parkeerplek in 'n dubbeltoesluitmotorhuis. Bykomende parkeerplek is beskikbaar in die oprit.

Kry ’n Kwotasie