Beskrywing

26 on Duke bied gehalte- en bekostigbare verblyf op die eienaar se perseel in Onrus, Hermanus. Dit is ideaal vir 'n gesinswegbreek vir 'n naweek of 'n langer vakansie. Hermanus word jaarliks deur duisende toeriste besoek en is een van die top vakansiebestemmings in die omgewing.

Dié eenheid het slaapplek vir 2 volwassenes en 3 kinders en beskik oor 2 slaapkamers, 1 badkamer, 'n kombuis en 'n leefarea. Die hoofslaapkamer het 'n dubbelbed en die tweede slaapkamer het 1 enkelbed en 1 stapelbed vir kinders. Albei slaapkamers deel 'n badkamer met 'n stort-oor-bad, toilet en 'n wasbak.

Die oopplan-kombuis is met 'n yskas-vrieskas, gasstoof, oond, mikrogolfoond, eetgerei, breekware en koffie- en teemaakgeriewe toegerus. Daar is ook 'n binnebraai en 'n toonbank wat as 'n etenstafel dien. Die leefarea het 'n platskerm-TV en gratis WiFi is ook beskikbaar. Die eenheid gebruik sonkrag en word nie deur kragonderbrekings geraak nie.

Daar is veilige parkeerplek vir 1 voertuig agter 'n geslote hek.