309 on Titanium

Selfsorg

Gratis kansellasie tot 1 week voor jou verblyf!
Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Gardner Williamslaan 17, Somerset-Wes, 7130, Wes-Kaap
Vanaf R1 750 per nag (plek vir 2)

Beskrywing

309 on Titanium is 'n pragtige selfsorg-ateljeewoonstel in 'n veilige kompleks in die hartjie van Paardevlei, Somerset-Wes. Hiér kan gaste die reuk en gedruis van die branders geniet en die Helderberg vanaf die balkon bewonder.

Die ateljeewoonstel bied slaapplek aan 2 gaste en beskik oor 'n oopplan-ontwerp met 'n koningingrootte-bed en 'n badkamer met 'n stort, wasbak en 'n toilet. Gehaltelinne en badhanddoeke word voorsien, maar gaste moet hul eie strandhanddoeke saambring.

Die kombuis is met 'n stoof, oond, mikrogolf, yskas-vrieskas, Nespresso-koffiemasjien, eetgerei, breekware en 'n toonbank met stoele toegerus. Die kombuis lei na 'n sitarea met gemaklike rusbanke en 'n TV. Gratis WiFi is beskikbaar.

'n Omsetter voorsien rugsteunkrag tydens beurtkrag. Die woonstel is naby die N2 en Somerset Mall geleë. Gaste kan ontbyt bestel en by hul deur laat aflewer en dan 'n massering by Nuudo Luxury Boutique Spa op die grondverdieping geniet.

Kry ’n Kwotasie