50 Zebula

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Plaas 534KQ D1000, Mabula-distrik, Bela-Bela, 0480, Limpopo
Vanaf R3 750 per nag (plek vir 8)

Beskrywing

50 Zebula is 'n dubbelverdieping-selfsorghuis wat ideaal is vir 'n gesin of groep vriende. Dit is op 1600 hektaar van ongerepte bosveld in die skadu van die Waterberge geleë.

Verblyf word aangebied in 4 slaapkamers met lieflike uitsigte vanaf die balkon van elke kamer. Elke kamer het 'n koninggrootte-bed en 'n en suite-badkamer met 'n stort, bad, wasbak en toilet. Alle linne en handdoeke word voorsien.

Die leefarea het lugversorging en gemaklike sitplek sowel as 'n TV met volledige DStv. Die aangrensende sitarea het nog sitplek en 'n binnenshuise kroegarea met kroegstoeltjies waar gaste kan kuier. Die kroegarea het glase en 'n yskassie.

Die kombuis is met 'n yskas-vrieskas, vierplaatstoof, oond, mikrogolf, basiese breekware, eetgerei en koffie- en teemaakgeriewe toegerus. Daar is ook 'n skottelgoedwasser.

Die lieflike buite-area het pragtige uitsigte met 'n onderdak-lapa met sitplek, 'n kroegarea, braaigeriewe en 'n tafel waarby gaste kan eet. Daar is ook 'n gasbraai. Die onderdak-lapa is ideaal vir laatnagkuiers rondom die kampvuur. Daar is ook 'n vuurput langs die swembad wat toe is onder 'n veiligheidsnet. Veilige parkeerplek is beskikbaar op die perseel.

Zebula spog met 'n pragtige ligging. Golwende heuwels met inheemse bome strek in elke rigting sowel as wye grasvlaktes met baie damme en watergate. Dit is 'n diverse landskap wat die tuiste is van talle wilde diere, voëls en kleinwild.

Lees meer

Kry ’n Kwotasie