53 Milkwood

Kliek op enige tarief om 'n meer volledige prysberekening te sien.

Prys sluit in

Rates are on a self-catering basis and toilet paper, dishwashing soap and black bags provided on arrival.

Huisreëls

Let asseblief daarop dat die sleutels nie oorhandig sal word tensy die volledige betaling ontvang is nie.
'n Terugbetaalbare breekskadedeposito van 20% of R3000 (welke een ook al groter is) word vereis om enige breekskade te dek. Die breekskade- en sleuteldeposito word terugbetaal nadat die eenheid nagegaan is deur die diensleweraar of die huiseienaar. Indien alles in orde is, sal die breekskade- en sleuteldeposito via EFT terugbetaal word binne 10 werksdae na vertrek.

1. Jy erken dat elke eenheid moontlik die eiendom van 'n aparte regspersoon wat geensins deel is van ZimbaliHomes nie mag wees. ZimbaliHomes aanvaar geen verantwoordelikheid vir enige kostes en uitgawes wat tydens jou verblyf aangegaan word nie.
2. Geen troeteldiere word in die landgoed toegelaat nie. Die bosbokke en duikers op die landgoed is sensitief vir ander diere en daarom mag troeteldiere nie toegelaat word op die perseel nie. Troeteldiere sal verwyder word van die landgoed en aan die plaaslike owerhede oorhandig word.
3. Inkloktyd is van 14:00 af. Inklok voor 14:00 sal net toegelaat word indien vooraf gereël. Addisionele tariewe sal gehef word vir vroeë inkloktye.
4. Uitkloktyd is streng voor 10:00 op die dag van vertrek. Uitklok na 10:00 sal net toegelaat word indien vooraf gereël. Addisionele tariewe sal gehef word vir laat uitkloktye.
5. Sleutels en toegangskaartjies moet afgehaal word by Zimbali Estate Management Association (ZEMA) Welcome Centre, wat by die Northgate Suites oorkant Zimbali North Gate geleë is.
6. Alle sleutels, afstandbeheertoestelle en sekuriteitskyfies moet aan hierdie sentrum terugbesorg word met vertrek. Enige verlore, beskadigde of gebreekte sleutels, afstandbeheerdtoestelle of skyfies sal deur die gas betaal moet word.
7. Gaste moet ZimbaliHomes binne 24 uur na die inklokdatum laat weet van enige skade op die perseel, insluitend die gholfkarretjie (indien van toepassing). Indien skade nie gerapporteer word nie, sal ons aanneem dat gaste alles in 'n goeie werkende toestand ontvang het.
8. Indien die komplimentêre gholfkarretjie gebreek is, sal daar geen vermindering van tarief of vergoeding wees nie, tensy die gholfkarretjie apart gehuur is. In daardie geval mag 'n terugbetaling moontlik wees van die verskaffer af. Nalatige gebruik van die gholfkarretjie kan daartoe lei dat dit gekonfiskeer word.
9. Linne en badhanddoeke word meestal elke derde dag omgeruil. (Indien die huiseienaar nie spesifieke instruksies gee nie). Indien daar 'n versoek is om die linne en handdoeke meer gereeld te vervang, sal daar 'n addisionele heffing wees en dit moet direk vereffen word met die skoonmaakmaatskappy self. Die skoonmaakdiens op die perseel duur 4 uur deur die loop van die dag. Persoonlike wasgoeddienste is nie ingesluit by die skoonmaakdiens nie. Die eiendomme is bedoel vir selfsorg.
10. Gaste moet die perseel los soos hulle dit gevind het, in 'n ordelike en skoon toestand. ZimbaliHomes behou die reg voor om enige kostes verwant aan oormatige vuilheid, breekskade of skade aan die struktuur van die perseel van die gas terug te eis. Dit sluit in, maar is nie beperk tot alle toebehore, die gholfkarretjie, breekware, eetgerei en meubels nie. Onbetaalde ZEMA-boetes sal uit die breekskadedeposito verhaal word.
11. ZimbaliHomes behou die reg voor om die bespreking te kanselleer, te verander of te vervang indien die perseel ongeskik is omdat dit beskadig is of verwaarloos is (omdat instandhouding en herstelwerk afgeskeep is) of as dit om een of ander rede nie beskikbaar is nie.
12. ZimbaliHomes of die huiseienaar sal nie verantwoordelik gehou word vir enige verlies, beserings of skade wat veroorsaak mag word gedurende gaste se verblyf op die landgoed nie.
13. Alle vensters en deure van die eenheid moet gesluit word en die lugversorging, toebehore en ligte moet afgesit word met vertrek.
14. Rook is verbode op al die ZimbaliHomes-persele.
15. Maak asb. seker dat die eenheid gesluit is met vertrek. Alle vensters, skuifdeure en ingange moet toe en gesluit wees. ZimbaliHomes kan nie verantwoordelik gehou word vir skade of verlies aan die perseel weens nalatigheid nie.
16. Indien daar 'n onderbreking in munisipale dienste is, soos die water of elektrisiteit wat af is, sal ZimbaliHomes of die huiseienaar nie verantwoordelik gehou word nie. Geen terugbetalings sal in sulke gevalle plaasvind nie.
17. Toegangskyfies word spesifiek geaktiveer vir die aangewese ingange en nie vir die hele landgoed nie. Indien gaste by 'n ingang ingaan waar hulle nie mag nie, sal boetes gehef word.
18. Die gebruik van enige van die swembaddens op die landgoed moet nie enige onredelike versteuring van ander gaste veroorsaak nie.
19. Gaste het toegang tot alle swembaddens, restaurante en klubhuise. Gaste wat tydelik hier bly mag nie die landgoed se gimnasium gebruik nie. Die hotel se swembad is slegs bedoel vir hotelgaste en gaste wat in die restaurant kom eet.
20. Gaste wat huur mag nie oornagbesoekers ontvang nie.
21. Geen ekstra matrasse word toegelaat nie.

Kansellasiebeleid