7 Cross Street - De Kothuize

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Cross-straat 7, Graaff-Reinet, 6280, Oos-Kaap
Vanaf R740 per nag, vir 2 mense

Beskrywing

7 Cross Street - De Kothuize bied bekoorlike Karoo-verblyf naby Parsonage Street in Graaff-Reinet se geskiedkundige middedorp. Dit bied verblyf in 2 eenhede wat apart of saam vir 'n groep van 6 gaste bespreek kan word. Hier kan gaste hulle verdiep in die Graaff-Reinet van die verlede deur die dorp se verskeie museums te besoek. Daar is ook 'n klompie goeie restaurante en geriewe net 'n kort entjie van die eenheid af.

Die huis het slaapplek vir 4 gaste en beskik oor 2 en suite-slaapkamers, 'n kombuis en 'n leefarea. Die hoofslaapkamer het 'n antieke dubbelhemelbed en die tweede slaapkamer het 2 enkelbeddens. Albei kamers het 'n en suite-badkamer, een met 'n bad en 'n stort, en die ander met net 'n stort. Die kombuis het nog sy oorspronklike vuurherd en skoorsteen. Daar is 'n gekombineerde eet- en sitarea langs die kombuis. Dit lei na 'n geplaveide stoep met 'n tafel en stoele en dan na 'n tuintjie met 'n grasperk wat met die tuinkothuis langsaan gedeel word. Die huis bied klassieke antieke meubels, items en afdrukke teen die mure.

Die tuinkothuis is 'n bekoorlike oopplan-slaap- en -sitarea met 'n dubbelbed en 'n en suite-badkamer met 'n stort. Die eenheid het ook 'n kombuisie wat goed toegerus is en dit bied toegang tot 'n stoep met 'n ketelbraai en 'n tuintafeltjie en stoele langs 'n grasperkie. Hierdie eenheid het lugversorging en 'n TV met sekere DStv-kanale. Die woonstel is aan die agterkant van die hoofhuis by Cross-straat 7 en word vanaf die straat via 'n aparte sy-ingang deur 'n nou stegie langs die kant van die huis en verby die stoep en tuinarea bereik.

Gaste het toegang tot aangewese parkeerplek op die perseel wat 'n hoogtebeperking van 1,8 km het. Enige voertuig wat hoër as dit is moet by De Kothuize se hoofparkeerarea by Parsonage-straat 4 geparkeer word. Dit is so 5 minute se stap ver.

Indien nodig kan die eenhede saam bespreek word. In só 'n geval is daar 'n skakeldeur wat van die tuinkothuis se kombuis na die ander eenheid lei. Hierdie deur is normaalweg gesluit, maar kan dan oopgesluit word om direkte toegang tot die hoofhuis se stoep en leefarea te bied.

Kry ’n Kwotasie

Dít is wat jy hier sal kry

Gratis, veilige parkeerplek

Resensies

4.7/ 5

Gebaseer op 17 resensies

Uitstekend

Netheid

4.7

Ligging

4.5

Waarde vir geld

4.8

Diens

4.8

Veiligheid

4.5

Gaste se hoogtepunte

Wilna V

Gesin met klein kinders

5.0

Beste gastehuisie ooit - baie ruimte en netjies en baie mooi badkamers. Dit is letterlik die gerieflikste plekkie ooit! Baie ruimte en alles werk 100%...

Sien meer

Aug 2024

Anneke V

Saam met lewensmaat

5.0

Ligging was amazing. Baie lekker dankie. Perfekte ligging.

Mrt 2024

Lucinda G

Saam met vriende

5.0

Mooiste ou huis. Verskriklike oulike huis. Alles wat mens nodig het. Lekker gebly.

Mrt 2023

Marthinus S

Saam met lewensmaat

4.8

Uitstekende verblyf- sal definitief dit weer gebruik. Verblyf is ruim, netjies en baie gerieflik en veilig.

Jan 2024

Peter S

Gesin met klein kinders

4.6

Waarde vir geld oorslaapplek. 'n Baie lekker karaktervolle blyplek. Goed toegeruste kombuis wat uitloop op veilige speelarea. Veilige parkering agter ...

Sien meer

Sep 2024

Sien al 17 resensies