Driftsands Sea Front 9

Beskrywing

Driftsands Sea Front 9 is 'n bekoorlike selfsorgwoonstel in die Driftsands-kompleks, 'n veilige kompleks in Uvongo. Dit is net 50 m vanaf die see, oorkant die pad van die Uvongo-getypoel en naby die Uvongo-strand geleë en daarom die perfekte plek vir 'n vakansie by die see.

Dié tweeslaapkamerwoonstel bied slaapplek aan 4 gaste. Die hoofslaapkamer het 'n dubbelbed en die tweede slaapkamer het 2 enkelbeddens. Die badkamer het 'n stort.

Die kombuis is met 'n yskas, stoof, oond en 'n mikrogolfoond toegerus. Daar is ook 'n platskerm-TV teen die muur met die volle DStv-pakket.

Die hoofslaapkamer lei na 'n stoep met 'n buitesitarea en 'n lieflike see-uitsig. Onderdakparkeerplek word vir 1 mediumgrootte-voertuig voorsien.

Daar is talle restaurante en kroeë stapafstand vanaf die woonstel.

Driftsand se sentrale ligging maak dit die ideale basis vanwaar gaste die area se besienswaardighede kan besoek. Dit sluit die wêreldbekende Oribikloof met die avontuuraktiwiteite in, soos die hoogste kloof-swaai ter wêreld, Lake Eland-wildreservaat met die hangbrug en 2 Zipline-toere. Die Wild Coast Casino Resort and Golf Course sluit die Wild Waves-waterpark in. Waterworld se bootritte op die Umtamvunarivier is net 39 km ver en daar is 8 puik gholfbane, talle stap- en fietsroetes en uitstekende strande vir sonbaai, stap en visvang naby.