Akwa

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: 9de Straat 298, Voëlklip, Hermanus, 7201, Wes-Kaap
Vanaf R5 950 per nag (plek vir 12)

Beskrywing

Akwa is in Voëlklip, Hermanus geleë en bied pragtige uitsigte van die strand, die strandmeer en op die berge. Dit is net 2 strate en sowat 10 minute se stap vanaf die bekende Grotto-Blouvlagstrand.

Hierdie eenheid bied slaapplek vir tussen 10 en 12 gaste. Dit beskik oor 5 slaapkamers en 5 badkamers. Die huis is baie gesinsvriendelike en spog met 2 sitareas vir lekker kuier. Ons verwelkom graag families of vriendegroepe om 'n wonderlike wegbreek in die beeldskone Hermanus te kom geniet. So kom ontspan by ons!

Die huis se kombuis is goed toegerus met 'n gasstoof, yskas-vrieskas, ketel, mikrogolfoond en 'n skottelgoedwasser. Daar is 'n sitarea en 'n balkon met braaigeriewe op die boonste verdieping vanwaar jou ook 'n see-uitsig kan geniet. Aan die anderkant van die huis is daar ook balkonne - hierdie keer met 'n uitsig op die berge. Die hoofslaapkamer, kombuis en eetarea is op die boonste verdieping. Vier slaapkamers en badkamers is op die onderste verdieping.

Daar is 'n aparte speletjieskamer op die onderste verdieping met 'n pooltafel, tafeltennis, 'n kroegarea, 'n TV en baie ander opsies vir vermaak.

Die huis het ook 'n wasarea met 'n wasmasjien en 'n tuimeldroër. Beperkte WiFi is beskikbaar. Hierdie verblyf het 'n sonkragstelsel en ervaar nie beurtkrag nie.

Kry ’n Kwotasie