Sorgloos, veilig naby aan alle benodighede en natuurlik die ongerepte strand. A'La Mossel 1 is perfek toegerus met die nodigste wat jou 'n sorglose kuierplek sal waarborg. Twee slaapkamers met twee badkamers, kombuis netjies met duursame toerusting. Agter die huis parkering met CCTV/LED sekuriteits toerusting wat jou gerus sal laat bly (jy kan natuurlik voor ook parkeer). Lekker onderdak braai - wat uitloop direk van die sitkamer/kombuis - wat goed beskut was teen die wind, netjies en laat jou tuis voel. Rustige area so 100 m van die strand (loopafstand) wat jou groet met die pragtige Paternoster strand en wit huisies wat die skilderagtige dorpie met sy baie aktiwiteite bied. Loopafstand van nabygeleë restaurante, winkeltjie ens. Sal definitief weer daar 'n draai gooi binnekort.

Paternoster stel nooit teleur nie. Lekker vakansie vibes. Baie lekker blyplek, goed geleë met so stukkie see om na te kyk van die stoep af. Heerlik gewees.

Ek wou langer bly en sommer die plek koop! Ons het heerlik gebly, baie dankie. Alles wat nodig is, is in die huisie en dit was baie skoon. Die stoep is 'n wenner en dit was 'n absolute bonus dat daar 'n vol DSTV-pakket was. A'la Mossel is 500 m van die see af en ons het ten alle tye veilig gevoel. Die parkeerplek was veilig. Die enigste klagte wat ek het, is dat die banke deurgesit is, en dalk vervang kan word. Ook pas is die oranje en blou gordyne nie by die res van die huis nie; 'n mooi room sal dalk 'n beter opsie wees. Andersins is daar niks om oor te kla nie. Die personeel wat ons gehelp het, was baie vriendelik en ek sal beslis weer die huisie uitsoek vir 'n kuier op Paternoster.

Pragtige dorpie en omgewing. Heerlike restaurante en vriendelike mense. Ons het baie lekker gekuier. Die enigste negatiewe kommentaar is dat die gasstoof se gas nie oopgedraai was nie. Was dus moeilik om kos te maak. Gelukkig kon ons 'n braaivleisvuur maak.

Lekker gerus. Was baie lekker, ek sou voorstel dat messe skerpgemaak word en dat daar moontlik biefstukmesse ook gekoop word. Toiletpapier was slegs 2 rolle vir 4 mense vir drie dae. Toilet in badkamer met stort bly loop want vlotklep is aan verkeerde kant geïnstalleer. Laastens sou ek vir seker die kombuisvloer 'n behoorlike skrop gee en dan seël! Hy lyk maar naars.

Was goed vir ons siel, net wat ons nodig gehad het. So lekker ontspan. Ons het so lekker gebly, wou nie terugkom huistoe. Alles was skoon en netjies. Baie mooi see-uitsig as mens braai. En kan lekker see toe stap.

Gemaklik. Baie gemaklike verblyf.

Always good. Fabulous, great, wonderful.

Ons sal vir seker weer teruggaan, was heerlik! Ons het regtig die lekkerste tyd gehad op A'la Mossel 1 en die verblyf was uitstekend.

Dit was 'n absolute perfekte naweek. Ons het 'n absolute fantastiese tyd beleef. Die plekkie was skoon en netjies en het alles wat mens benodig om heerlik te kan kuier. Veiligheid en die ligging was puik. Sal definitief weer die plekkie besoek. Die plekkie was baie familie vriendelik.