Aloevale Karoo Farmhouse & Cottages

Selfsorg

Gratis kansellasie tot 1 week voor jou verblyf!
Kapasiteit: 14 persone
Alle ouderdomme is welkom
Inkloktyd: 10:00 tot 17:00
Uitkloktyd: 12:00
Adres: Oatlands-weg, Riet Fontein Plaas Erfdeel 4, Klipplaat, 6255, Oos-Kaap
Vanaf R850 per nag, vir 2 mense

Beskrywing

Aloevale Karoo Farmhouse & Cottages is in die skilderagtige Karoo op 'n privaat werkende vee- en wildplaas sowat 34,6 km buite Klipplaat. Dit is ideaal vir gaste wat op soek is na 'n rustige wegbreek omring deur die natuur.

Verblyf is beskikbaar in 3 verskillende selfsorg-eenhede. Gaste kan kies tussen 2 kleiner kothuise of 'n groot plaashuis. Al drie hierdie eenhede beskik oor privaat ingange, gemaklike beddens, privaat badkamers, leefareas, kombuise, stoepe en braaigeriewe. Vars reënwater word voorsien wat gaste kan drink.

Die plaashuis se kombuis is met 'n vrieskas, yskas, mikrogolfoond, elektriese en gasstoof, -oond, broodrooster, ketel, ysmasjien, toebroodjierooster, 'n dompelkoffiepot, asook 'n verskeidenheid potte en panne. Daar is potjie- en broodpotte, pizza-braai, braaigeregte, braai-borde en 'n tang. Oorgenoeg breekware en eetgerei is beskikbaar. Boonop spog die ruim plaashuis met 'n binne- en buitebraai, kuierarea en 'n swembad. Die slaapkamers het lugversorging.

Elkeen van die kleiner kothuise se kombuisies is met 'n yskas-vrieskas, mikrogolfoond, gasstoof, -oond, broodrooster, ketel, toebroodjierooster, 'n dompelkoffiepot, asook 'n verskeidenheid potte en panne. Daar is potjie- en broodpotte, pizza-braai, braaigeregte, braai-borde en 'n tang. 'n Verskeidenheid breekware en eetgerei is beskikbaar.

Elkeen werk met Eskom-krag en het warm water, in geval van kragonderbrekings is ligte en gasstoofplaatjies beskikbaar. Neem asb. kennis dat die area 'n Vodacom-toring het, maar die sein kan stadig wees.WiFi is beskikbaar.

Gaste het toegang tot parkeerplek op die perseel, uitsigte oor die watergat waar vee en wild gereeld besoek, asook begeleide wildritte.

Hierdie verblyf is ongeveer 62,4 km vanaf Aberdeen en 67,2 km vanaf Jansenville waar gaste geriewe soos plattelandse winkels en restaurante kan geniet.

Kry ’n Kwotasie