Beskrywing

Angel's Place by the Sea, in Vermont, is 'n ruim huis met slaapplek vir 6 volwassenes en 2 kinders.

Die agterkant van die huis is beskerm en privaat, en gaste word bederf met geluide van die natuur en voëls. Die huis het 3 en suite-slaapkamers, waarvan 2 'n privaat ingang het. Die eerste kamer het 'n ekstra lang koningingrootte-bed en die tweede kamer het 'n koningingrootte-bed en 'n stapelbed vir kinders. Die derde kamer het 'n dubbelbed. Alle linne en badhanddoeke word voorsien, maar gaste moet hul eie strandhanddoeke saambring.

Die groot oopplan-huis het 'n kombuis, sitkamer en 'n eetkamer. Die kombuis is met 'n stoof en oond, 'n mikrogolfoond en yskas toegerus, en daar is 'n etenstafel. Langs die kombuis is die opwaskamer met 'n wasmasjien en tuimeldroër. Die sitkamer het 'n TV, 'n DVD-speler en kaggel. DStv is op versoek beskikbaar.

Die leefarea lei na 'n ruim onderdakbraai-area en 'n groot omheinde tuin.

Daar is parkeerplek vir 6 voertuie. Troeteldiere is baie welkom, mits vooraf gereël. Let asb. daarop dat die huis deur middel van 'n paar maklike trappe bereik word.

Angel's Place by the Sea is slegs 150 m van die see af, 1 km vanaf Davies Pool, en 4 km van Onrus Strand af. Gaste kan kajakry, wandel of stap in die omgewing, of doendinge soos Zip-line-toere, walviskyk, abseil, haaihok duik en meer geniet!