Ashley On Beach 1101 Luxury Apartment

Selfsorg

Kapasiteit: 5 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Beach-weg 46, Welgelegen 1101, Strand, Kaapstad, 7140, Wes-Kaap
Vanaf R2 150 per nag, vir 5 mense

Beskrywing

Ashley On Beach 1101 Luxury Apartment is 'n selfsorgwoonstel in 'n veilige kompleks in die Strand. Die woonstel bied 'n 180 grade-uitsig oor Valsbaai tot by Tafelberg op 'n sonnige dag.

Die woonstel is op die 11de verdieping en beskik oor 3 slaapkamers, 2 badkamers, 'n kombuis en lieflike sitarea wat 'n uitsig oor die see bied. Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 2 enkelbeddens en die derde slaapkamer het 1 enkelbed. Die tweede badkamer het 'n stort, wasbak en toilet. Bad- en stortgeriewe is beskikbaar.

Die kombuis is met 'n yskas, gasstoof, mikrogolfoond, skottelgoedwasser en koffiemasjien toegerus. Daar is ook 'n wasmasjien. Gaste kan hul maaltye om die sessitplek-etenstafel in die leefarea geniet. Die TV het Premium DStv-kanale, gratis WiFi en die Netflix-toep. Gaste moet hul eie intekenbesonderhede hê vir gebruik van Netflix. WiFi is selfs gedurende beurtkrag beskikbaar en die verblyf het 'n omsetter wat ook die TV tydens beurtkrag sal aanhou.

Perkallinne, bad- en swemhanddoeke en ekstra komberse word voorsien en ander geriewe sluit 'n verwarmer, waaier, dompelkoffiepot, melke en beskuit in.

Verder het gaste toegang tot die gemeenskaplike waskamer op die tweede verdieping, asook die braaigeriewe en tennisbaan op die perseel. Veilige parkeerplek met geslotekringtelevisie is beskikbaar.

Kry ’n Kwotasie