Assendelft Lodge & Bush Camp

Gastehuis

Gratis kansellasie tot 1 week voor jou verblyf!
Kapasiteit: 17 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Goeiemoed Plaas Nommer 90, Prins Albertweg, 6931, Wes-Kaap
Vanaf R990 per nag, vir 2 mense

Beskrywing

Assendelft Lodge & Bush Camp is 40 km vanaf Prins Albert geleë, 'n area wat veral bekend is vir sy staproetes, natuur, wild, museums, boeremark en ikoniese besienswaardighede wat die Swartbergpas insluit. Die perfekte wegbreekplek vir diegene wat op soek is na 'n vakansie weg van die bruisende stadslewe.

Verblyf bestaan uit 8 eenhede wat geskik is om tot 17 gaste te akkommodeer. Die eenhede wat aangebied word, sluit Lodge-kamers, 'n kothuis en Bush Camp-chalets in.

Die twee Lodge-kamers is geskik vir twee gaste per kamer. Een kamer het 'n koningingrootte-bed, die ander kamer het twee enkelbeddens. Elke kamer het 'n stort, toilet en wasbak. Die kamers het lugversorging en het ook 'n yskassie en ontbyttafel. Ontbyt is selfbediening wat bestaan uit granola, jogurt, vrugtesap, tee en koffie, wat in die kamer of op die patio geniet kan word. Braaigeriewe kan voorsien word vir aandete.

Die Kothuis is langs die Lodge en beskik oor 'n slaapkamer met 'n dubbelbed, en suite-badkamer met 'n stort, toilet en wasbak, 'n leefarea met lugversorging met 'n kombuisie en 'n enkelbed. Dit is dus geskik vir 'n gesin met een of twee klein kinders. Ontbyt is dieselfde as vir die Lodge en braaigeriewe kan voorsien word.

Die Bush Camp bestaan uit vyf chalets, elk met twee enkelbeddens en 'n en suite-badkamer met 'n stort, toilet en wasbak. Elke Chalet is toegerus met 'n gas-enkelstoof, eetgerei, breekware, glasware en alle linne word voorsien. Braaigeriewe is by elke Chalet beskikbaar.

Kampering in tente, karavane, ens. word by die Boskamp toegelaat. Daar is geen afgebakende kampeerplekke nie maar geskikte areas is beskikbaar.

Kry ’n Kwotasie