Beskrywing

Hermanus At Rikis Place Self Catering is 'n unieke woonstel in 'n stil deel van Voëlklip in Hermanus. Dié woonstel se groot vensters bied 'n uitsig op die berg wat met fynbos bedek is.

Die sonnige, ruim ateljee-woonstel het 'n privaat ingang, grasperk, tuin en geen trappe. Die woonstel het 'n koninggrootte-bed wat opgemaak kan word as 2 enkelbeddens op versoek. Daar is ook 'n enkelslaapbank vir 1 ekstra gas en 'n bababedjie op versoek beskikbaar. Daar is oorgenoeg ingeboude kaste en 'n kluisie. Beddegoed en handdoeke word voorsien en gereeld omgeruil. Strandhanddoeke is beskikbaar op versoek.

Die badkamer het 'n stort-oor-bad met glaspanele en 'n aparte toilet.

Verder het die woonstel 'n oopplan-leefarea, slaaparea, kombuisie en volledige badkamer. Die kombuisie is toegerus met 'n yskas-vrieskas, mikrogolf, tweeplaatstoof en oond, kookgerei, eetgerei en breekware vir 4 gaste en 'n teeskinkbord. Die sitarea het gemaklike stoele en koffietafels. Die eenheid het 'n TV met sekere DStv-kanale en gratis WiFi.

Daar is ook privaat braaigeriewe reg buite die eenheid en veilige onderdakparkeerplek langs die eenheid beskikbaar.

Hermanus het pragtige natuurtonele, 'n matige klimaat, verskeie buitemuurse aktiwiteite, 'n diversiteit in flora en dit is naby Kaapstad. Die eiendom is die perfekte basis vanwaar gaste die Overberg kan verken.