Beskrywing

Avemore Vredehof 1 is privaat tweeslaapkamer-selfsorgwoonstel met 2 badkamers in 'n stil, veilige area in die hartjie van Stellenbosch. restaurante, museums, kunsgalerye en die internasionaal bekende Stellenbosch Universiteit is net 5 minute se stap ver.

'n Victron-rugsteunstelsel vir beurtkrag en Daikin-lugversorging is in die slaapkamers geïnstalleer. Die soliede houttafel bied plek vir aandete en as gaste lus is vir braai, kan hulle die Weber in die tuin en die groot tuintafel gebruik.

Die eerste slaapkamer het 'n koningingrootte-bed en die ander slaapkamer het 'n dubbelbed. Die ten volle toegeruste woonstel het lugversorging, satelliet-TV, gratis internet, pragtige dekor en uitstekende gehalte-meubels. Gehalte-linne en -handdoeke word voorsien. Die kombuis is ten volle toegerus vir selfsorg en sluit 'n Nespresso-masjien, skottelgoedwasser en wasmasjien-tuimeldroër in. 'n Kluis, haardroër en elektriese komberse word voorsien. Gaste moet hul eie besonderhede gebruik in te teken by Netflix op die TV.

Die woonstel het 'n klein, privaat, omheinde tuin met braaigeriewe en 'n klein hokkie vir voetslaan- of fietsry-toerusting. Daar is gratis parkeerplek vir 3 voertuie agter 'n elektriese heining en hek. Gaste kan ook Avemore Le Verger in die Devonvallei besoek as hulle wil swem of piekniek hou.

Die knus woonstel is perfek vir ouers wat hulle kinders by die universiteit besoek, ouers wat sport by Paul Roos Gimnasium en Coetzenburg-atletiekstadion kom kyk - dit is net 700 m van die woonstel af - of toeriste wat lank wil kuier. Die woonstel is perfek geleë vir besoekers wat die historiese dorp wil verken en al die nabygeleë besienswaardighede wil besoek. Markte, straatkafees, Quick Spar & Deli, Lanzerac Dagspa, Asara Wynlandgoed en die Jonkershoek Natuurreservaat is alles naby. Kaapstad Internasionale Lughawe is 28 km ver.