Balencay

Beskrywing

Balencay is 'n grasdak-seehuis wat naby die kranspaadjies in Hermanus geleë is. Dié huis bied oorgenoeg plek vir groot gesinne of groepe vriende om te ontspan en kuier. Dit spog met 'n sonnige dakterras met see- en berguitsigte en 'n lowerryke tuin.

Die huis is geskik vir 8 gaste en het 4 slaapkamers. Die hoofslaapkamer is op die boonste verdieping in die hoofhuis en het 'n koninggrootte-bed en 'n en suite-badkamer met 'n stort. Verder het dit 'n balkon, studeerkamer en 'n TV-sitarea met 'n kaggel en 'n slaapbank wat geskik is vir jong kinders. Die tweede slaapkamer is in die hoofhuis op die grondverdieping en het 'n koningingrootte-bed, 'n kaggel en 'n aangrensende badkamer met 'n bad en stort. Hierdie kamer het toegang tot die tuin. Die derde slaapkamer is die swembadkamer met 'n koninggrootte-bed of 2 enkelbeddens en 'n en suite-badkamer met 'n stort. Die vierde slaapkamer is bo die motorhuis met 'n kombuisie onder. Dit het 'n koninggrootte-bed of 2 enkelbeddens, 'n balkon en 'n en suite-badkamer met 'n stort.

Die huis het 'n oopplan-kombuis en -eetarea, 'n sitkamer, eetarea binne en buite, WiFi, 'n Apple-TV, omsetter en sonkrag, 3 kaggels, boeke, speletjies en 'n kluis vir waardevolle items.

Boonop spog die huis met 'n privaat, goed versorgde tuin, 'n verhitte swembad, sonstoele, 'n buitestort, gasbraaigeriewe en parkeerplek vir gaste.

Gaste kan op die bekende walviskykpaadjies na Hermanus se middedorp stap en 'n aantal restaurante, kunsgalerye en koffiewinkels verken. Die huis is net 'n entjie se ry na Blouvlagstrande.