Bamboes

Selfsorg

Gratis kansellasie tot 1 week voor jou verblyf!
Kapasiteit: 8 persone
Geen kinders onder 6
Inkloktyd: 14:00 tot 23:00
Uitkloktyd: 10:00
Adres: 7de Laan 19, Hermanus, 7200, Wes-Kaap
Vanaf R3 800 per nag, vir 8 mense

Beskrywing

Bamboes is 'n pragtige dubbelverdiepinghuis in Hermanus. Dié selfsorghuis bied slaapplek aan 6 gaste en is ideaal vir 'n familie of groep vriende.

Die huis beskik oor 4 slaapkamers en 2 badkamers. Die hoofslaapkamer het 'n koningingrootte-bed, die tweede en derde slaapkamer het elkeen 'n dubbelbed en die vierde slaapkamer het 'n dubbelbed en 'n tafeltennistafel. 'n Enkelbed is op versoek beskikbaar. Die en suite-badkamer het 'n bad en die tweede badkamer het 'n bad en 'n stort. Daar is 'n aparte toilet in die waskamer op die onderste verdieping, asook 'n buitestort met warm water.

Die kombuis is volledig vir selfsorg toegerus met 'n gasstoof, elektriese oond, yskas-vrieskas, skottelgoedwasser, mikrogolf, ketel, eetgerei en breekware.

In die sitarea is gemaklike rusbanke, 'n TV, kaggel en etenstafel. Die sitarea lei na 'n balkon met 'n buitebraai en sitarea. Hier is 'n pragtige uitsig oor die oseaan en op die berge.

Gratis WiFi met 'n UPS en veilige parkeerplek vir 2 voertuie agter 'n elektriese hek is op die eiendom beskikbaar.

Die huis is 650 m van Kammabaai en Voëlklipstrand af en het al die geriewe om 'n ontspanne seevakansie te verseker. Aktiwiteite in die omgewing sluit voëlkyk, wandelroetes, fietsry, visvang en swem in.

Kry ’n Kwotasie